హరారే: నమీబియా ప్రెసిడెంట్ హేజ్ గింగోబ్ (82) ఆదివారం మరణించారు. కొంతకాలంగా క్యాన్సర్ తో బాధపడుతున్న గింగోబ్.. లేడీ పోహంబా హాస్పిటల్ లో చికిత్స పొందుతూ తుది శ్వాస విడిచారని ప్రెసిడెంట్ ఆఫీస్ పేర్కొంది. ఆయన మరణవార్తతో దేశం విషాదంలో మునిగిపోయింది. గింగోబ్ 2015లో ప్రెసిడెంట్గా ఎన్నికై సుదీర్ఘ కాలం పాటు నమీబియాను పాలించారు. గింగోబ్ మృతి దేశానికి తీరని లోటని తాత్కాలిక అధ్యక్షుడు అంగోలో ముంబా తెలిపారు. కేబినెట్ తక్షణమే సమావేశమై తదుపరి కార్యాచరణపై ప్రకటన చేస్తుందని చెప్పారు. కొత్త ప్రెసిడెంట్ను ఎన్నుకునేందుకు నవంబర్లో ఎన్నికలు జరగనున్నాయి. కాగా, గింగోబ్ మృతికి దక్షిణాఫ్రికా, జింబాబ్వే, కెన్యా దేశాధినేతలు నివాళులు అర్పించారు.
