నానా పటేకర్‌కు క్రికెట్ అంటే పిచ్చి.. చిన్నప్పుడు ఆఫ్ స్పిన్నర్: కోహ్లీ ఔటైతే తిండి కూడా మానేసేవారు!

Nana Patekar: బాలీవుడ్ చలనచిత్ర పరిశ్రమలో తీవ్ర విషాదం చోటు చేసుకుంది. దిగ్గజ నటుడు నానా పాటేకర్ (Nana Patekar) కన్నుమూశారు. 75 ఏళ్ల వయసులో ఈరోజు (గురువారం,  అక్టోబర్ 8) ఉదయం ఆయన తుదిశ్వాస విడిచారు. గోవాలోని తన నివాసంలో ఆయనకు తీవ్రమైన కార్డియాక్ అరెస్ట్ (గుండెపోటు) రావడంతో సినీ వర్గాలు, అభిమానులు తీవ్ర దిగ్భ్రాంతి వ్యక్తం చేశారు. 

ఆసుపత్రికి తరలించే లోపే పోయిన ప్రాణాలు: 

గోవాలోని తన ఇంటిలో నానా పాటేకర్ (Nana Patekar)  గుండెపోటుకు గురయ్యారు. వెంటనే వైద్య బృందాన్ని సంప్రదించేసరికి ఆయన అపస్మారక స్థితి (Unconsciousness)కి చేరుకున్నారు. కుటుంబ సభ్యులు ఆయన్ను వెంటనే మణిపాల్ ఆసుపత్రికి తరలించారు. వైద్యులు సుమారు 45 నిమిషాల పాటు ఆయన్ను రక్షించేందుకు తీవ్రంగా శ్రమించినప్పటికీ ఫలితం లేకపోయింది. ఉదయం 5:20 గంటలకు ఆయన మృతి చెందినట్లు వైద్యులు అధికారికంగా ప్రకటించారు. ఈ ఘటనను మెడికో లీగల్ కేస్ (MLC)గా నమోదు చేశామని, పోస్టుమార్టం నిర్వహించనున్నట్లు అధికారులు తెలిపారు. పూణేలో ఉన్న ఆయన కుమారుడు మల్హర్ పాటేకర్ వార్త తెలిసిన వెంటనే గోవాకు బయలుదేరారు.

నటనతో పాటు క్రికెట్ అంటే చాలా మక్కువ: 

నానా పాటేకర్ (Nana Patekar)  కేవలం అద్భుతమైన నటుడే కాదు, క్రికెట్ అంటే కూడా ఆయనకు ప్రాణం. 2015లో ఇచ్చిన ఒక ఇంటర్వ్యూలో ఆయన తన చిన్ననప్పటి క్రికెట్ జ్ఞాపకాలను పంచుకున్నారు. ఆర్థిక పరిస్థితులు బాగాలేకపోవడంతో చిన్నతనంలో శివాజీ పార్కుకు వెళ్లి, అక్కడ నెట్ ప్రాక్టీస్ చేసే బౌలర్లకు సహాయంగా బంతులు వేసేవాడినని ఆయన గుర్తు చేసుకున్నారు. కాగా తనకు క్రికెట్ మీద ఉన్న మక్కువతో.. తాను కేవలం 10 రోజులు ప్రాక్టీస్ చేస్తే ఇప్పటికీ చక్కటి ఆఫ్ స్పిన్ బౌలింగ్ చేయగలనని ఆ ఇంటర్వ్యూలో చెప్పారు.  

విరాట్ కోహ్లీ అంటే ఇష్టం:  

వయసు పెరుగుతున్నప్పటికీ క్రికెట్ పై నానా పాటేకర్ కు ఏమాత్రం అభిమానం తగ్గలేదు. ముఖ్యంగా స్టార్ క్రికెటర్ విరాట్ కోహ్లీ (Virat Kohli) అంటే అతడికి ఎంతో ఇష్టం. మ్యాచ్‌లో విరాట్ కోహ్లీ త్వరగా అవుట్ అయితే తనకు అన్నం కూడా తినబుద్ధి కాదని ఆయన ఒక సందర్భంలో సరదాగా చెప్పుకొచ్చారు. జనవరి 2025లో విరాట్ త్వరగా వెనుదిరిగినప్పుడు నానా పాటేకర్ చేసిన వ్యాఖ్యలు సోషల్ మీడియాలో విపరీతంగా వైరల్ అయ్యాయి.

సినిమా రంగానికి, క్రికెట్‌కు పోలిక: 

ఇక సినిమా రంగానికి, క్రికెట్‌కు నానా పాటేకర్ పోలిక చెబుతూ.. రెండింటిలోనూ పరీక్షా సమయం ఒకేలా ఉంటుందని, క్రికెటర్ ఆట ఐదు రోజులు కొనసాగితే, నటులు రెండేళ్ల పాటు శ్రమించాల్సి ఉంటుందని, అంతిమంగా ప్రేక్షకులైన ప్రజలే తీర్పు ఇస్తారని అతడు పేర్కొన్నారు. కాగా నానా పాటేకర్ మృతి పట్ల పలువురు మాజీ క్రికెటర్లు శిఖర్ ధావన్, అజింక్య రహానే, సినీ దిగ్గజాలు సంతాపం వ్యక్తం చేశారు. ఆయన ఆత్మకు శాంతి చేకూరాలని ప్రార్థించారు.