హైదరాబాద్, వెలుగు: ఫీడే (ఎఫ్ఐడీఈ), ఆల్ ఇండియా చెస్ ఫెడరేషన్ (ఏఐసీఎఫ్) గుర్తింపు పొందిన ప్రతిష్టాత్మక ‘ఎల్బీహెచ్ఎం ఆల్ ఇండియా ఓపెన్ ఫీడే రేటెడ్ చెస్ టోర్నమెంట్’లో నారాయణ స్కూల్స్ కు చెందిన విద్యార్థి క్షివ్ చకావే జాతీయ, అంతర్జాతీయ స్థాయిలో గుర్తింపును సాధించాడు. దేశవ్యాప్తంగా 200 మందికిపైగా విద్యార్థులు పాల్గొన్న ఈ టోర్నమెంట్లో అండర్-– 6 విభాగంలో 3వ ర్యాంక్ సాధించి ట్రోఫీని కైవసం చేసుకున్నాడు.
తన ప్రతిభను మెరుగుపరుచుకుంటూ క్లిప్ 1560 ఫీడే రేటింగ్ ను సాధించాడు. తద్వారా అండర్-6 విభాగంలో ప్రపంచంలోని టాప్ 10 క్రీడాకారులలో ఒకరిగా నిలవడమే కాకుండా, భారతదేశంలో 3వ ర్యాంక్, మహారాష్ట్రలో తన వయస్సు విభాగంలో నం.1 ర్యాంక్ క్రీడాకారుడిగా స్థానం దక్కించుకున్నాడు. ఈ సందర్భంగా నారాయణ విద్యాసంస్థల డైరెక్టర్ డాక్టర్ పి. సింధూర నారాయణ క్షివ్ చకావేను అభినందించారు.
