న్యూఢిల్లీ: దేశవ్యాప్తంగా ప్రకంపనలు సృష్టించిన హత్రాస్ గ్యాంగ్ రేప్ బాధితురాలి కుటంబీకులను కలవడానికి వెళ్లిన రాహుల్ గాంధీ, ప్రియాంకను పోలీసులు అడ్డుకున్న సంగతి తెలిసిందే. తోపులాటలో రాహుల్ కింద పడ్డారు. ఆ తర్వాత రాహుల్, ప్రియాంకను పోలీసులు అరెస్టు చేశారు. ఈ నేపథ్యంలో మరోసారి హత్రాస్ బాధితురాలి కుటుంబీకులను ఓదార్చడానికి కొంతమంది ఎంపీలతో కలసి వెళ్లాలని రాహుల్ నిశ్చయించుకున్నారు. తనను హత్రాస్‌‌కు వెళ్లకుండా, బాధితురాలి కుటుంబీకులను కలిసి ఓదార్చనీయకుండా ప్రపంచంలోని ఏ శక్తీ అడ్డుకోలేదని రాహుల్ చెప్పారు. బాధితురాలి ఫ్యామిలీతో యూపీ ప్రభుత్వం వ్యవహరిస్తున్న తీరును తాను సహించలేనన్నారు. నిజమైన భారతీయుడెవరూ దీన్ని ఆమోదించరని పేర్కొన్నారు.
दुनिया की कोई भी ताक़त मुझे हाथरस के इस दुखी परिवार से मिलकर उनका दर्द बांटने से नहीं रोक सकती।
— Rahul Gandhi (@RahulGandhi) October 3, 2020
