ఏపీలోని నంద్యాల జిల్లాలో ఘోర ప్రమాదం జరిగింది. అరుణాచలం నుండి హైదరాబాద్ వెళ్తున్న జేబీటి ట్రావెల్స్ బస్సు లారీని ఢీకొన్న ఘటనలో ఒకరు మృతి చెందారు. ఆదివారం ( మే 17 ) జరిగిన ఈ ఘటనకు సంబంధించి వివరాలిలా ఉన్నాయి... నంద్యాల జిల్లా ఆళ్లగడ్డ దగ్గర జరిగింది ఈ ఘటన. లారీని ఓవర్ టేక్ చేస్తుండగా ప్రమాదం జరిగింది.
అరుణాచలం నుండి హైదరాబాద్ కు వెళ్తుండగా ప్రమాదం జరిగింది. ప్రమాదం జరిగిన సమయంలో బస్సులో 30 మంది ఉన్నట్లు తెలుస్తోంది. ఈ ఘటనలో ఒకరు మృతి చెందగా పలువురికి తీవ్ర గాయాలయ్యాయి. మృతుడు చిత్తూరుకు చెందిన సుబ్రహ్మణ్యంగా గుర్తించారు.
క్షతగాత్రులను ఆసుపత్రికి తరలించి చికిత్స అందిస్తున్నారు. గాయపడ్డవారిలో పలువురి పరిస్థితి విషమంగా ఉన్నట్లు తెలుస్తోంది. డ్రైవర్ నిర్లక్ష్యమే ప్రమాదానికి కారణమని తెలుస్తోంది. ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు.
