- జోరుగా సాగుతోన్న పార్టీ ఫిరాయింపులు
- నియోజకవర్గంలో మారుతున్న ఇక్వేషన్లు
మెదక్, చిన్నశంకరంపేట, వెలుగు : రాబోయే అసెంబ్లీ ఎన్నికల నేపథ్యంలో మెదక్ నియోజకవర్గంలో పార్టీ ఫిరాయింపులు జోరుగా సాగుతున్నాయి. టికెట్ విషయంలో భంగపడిన ప్రధాన రాజకీయ పార్టీ లీడర్లు, సెకండ్ క్యాడర్ నాయకులు పార్టీలు మారుతున్నారు. ప్రతిపక్ష పార్టీల నుంచి తమకు పోటీయే ఉండదని అధికార బీఆర్ఎస్ భావించింది. కానీ ఇప్పుడు పరిస్థితి మారింది. బీఆర్‌‌ఎస్టికెట్ ఆశించి భంగపడ్డ మల్కాజ్గిరి ఎమ్మెల్యే మైనంపల్లి హన్మంతరావు కొడుకు మైనంపల్లి రోహిత్ కాంగ్రెస్లో చేరడంతో ఇక్వేషన్ లు మారాయి.
దీంతో సిట్టింగ్ ఎమ్మెల్యే పద్మా దేవేందర్ రెడ్డికి గట్టి పోటీ ఎదురు కానుందనే చర్చ జరుగుతోంది. ఈ నేపథ్యంలో బీఆర్ఎస్.. మెదక్నియోజకవర్గంలో కాంగ్రెస్ను బలహీన పరిచే ప్లాన్ చేస్తోంది. ఆ పార్టీకి చెందిన ముఖ్య నాయకులందరిని తమవైపు తిప్పుకోవడంపై స్పెషల్ ఫోకస్పెట్టింది.
బీఆర్ఎస్ నుంచి కాంగ్రెస్లోకి
గతంలో బీఆర్‌‌ఎస్లో ఉన్న మైనంపల్లి రోహిత్ తండ్రి హన్మంతరావుతో కలిసి కాంగ్రెస్లో చేరిన సంగతి తెలిసిందే. వీరితో పాటు బీఆర్ఎస్ అసంతృప్త నేతలైన రామాయంపేట మార్కెట్ కమిటీ మాజీ చైర్మెన్ గంగా నరేందర్, చిన్నశంకరంపేట సర్పంచ్ రాజిరెడ్డి, బీఆర్ఎస్ యూత్ లీడర్, అడ్వకేట్ జీవన్రావు, పాపన్నపేట మండల పరిషత్ అధ్యక్షురాలు చందన
ALSO READ : అక్టోబర్8న బీఎల్ఎఫ్ ఫస్ట్ లిస్ట్
మండల బీఆర్ఎస్ మాజీ అధ్యక్షుడు ప్రశాంత్ రెడ్డి, కూచన్పల్లి మాజీ సర్పంచ్ శేరి మహేందర్రెడ్డి కాంగ్రెస్లో చేరారు. మిగిలిన మండలాలకు చెందిన బీఆర్‌‌ఎస్అసంతృప్త లీడర్లను కూడా కాంగ్రెస్లోకి తీసుకొచ్చేందుకు మైనంపల్లి రోహిత్వర్గం చర్చలు జరుపుతున్నట్లు సమాచారం.
కాంగ్రెస్ను వీడుతున్న నాయకులు
మైనంపల్లి రోహిత్ కాంగ్రెస్లోచేరిన వెంటనే బీఆర్ఎస్ కాంగ్రెస్ లీడర్లపై ఫోకస్ పెట్టింది. ముందుగా కాంగ్రెస్ టికెట్ ఆశించి భంగపడ్డ డీసీసీ ప్రెసిడెంట్ కంఠారెడ్డి తిరుపతి రెడ్డిని పార్టీలోకి ఆహ్వానించింది. తర్వాత రామాయంపేట, నిజాంపేట మండలాల కాంగ్రెస్ అధ్యక్షులు శ్యాంరెడ్డి, లింగంగౌడ్, బీసీ సెల్ జిల్లా ఉపాధ్యక్షుడు కేశవులు, కిసాన్సెల్ రామాయంపేట మండల అధ్యక్షుడు సుధాకర్రెడ్డి రాజీనామా చేశారు.
తాజాగా చిన్నశంకరంపేట మండల కాంగ్రెస్ అధ్యక్షుడు పోతరాజు రమణ, ఆయన అనుచరులు కూడా పార్టీని వీడారు. ఇదిలా ఉండగా బుధవారం మైనంపల్లి హన్మంతరావు, రోహిత్ పాపన్నపేట మండలంలో పర్యటించగా కాంగ్రెస్, అనుబంధ సంఘాలకు చెందిన నాయకులు పాల్గొనకపోవడం చర్చనీయాంశంగా మారింది.
