హైదరాబాద్, వెలుగు: ఈ ఏడాది వనమహోత్సవం కార్యక్రమాన్ని విజయవంతం చేయాలని ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ (పీసీసీఎఫ్) సువర్ణ పిలుపునిచ్చారు. అన్ని జిల్లాల డీఎఫ్వోలతో శనివారం హైదరాబాద్ సిటీలోని అరణ్య భవన్ లో ఆమె సమావేశం నిర్వహించారు. వనమహోత్సవం, జంతువుల సంరక్షణ, వన్యప్రాణులకు తాగునీటి కొరత తదితర అంశాలపై సుదీర్ఘంగా చర్చించారు. ఈ ఏడాది వనమహోత్సవాన్ని విజయవంతం చేసేందుకు కార్యాచరణ రూపొందించాలని అధకారులను సువర్ణ కోరారు.
వన మహోత్సవంలో ప్రజాప్రతినిధులను భాగస్వామ్యం చేయాలని సూచించారు. ఈ కార్యక్రమానికి కంపా, హరితనిధి నిధులను వినియోగించాలని పేర్కొన్నారు. అడవుల సంరక్షణ కోసం పకడ్బందీ చర్యలు చేపట్టాలన్నారు. కార్యక్రమంలో పీసీసీఎఫ్ (అడ్మిన్) సునీత భగవత్, సీసీఎఫ్ లు రామలింగం తదితరులు పాల్గొన్నారు.
