దేశంలోని రాజకీయ పరిస్థితులపై సీనియర్ మంత్రులతో చర్చించారు ప్రధాని మోడీ. ప్రధాని నివాసంలో వరుస సమావేశాలు జరిగాయి. మొదట రక్షణ మంత్రి రాజ్ నాథ్ సింగ్, హోంమంత్రి అమిత్ షాలతో సమావేశమయ్యారు మోడీ. తర్వాత ఆర్థిక మంత్రి నిర్మలా సీతారామన్, వాణిజ్య-రైల్వే శాఖల మంత్రి పీయూష్ గోయల్, వ్యవసాయ మంత్రి నరేంద్ర సింగ్ తోమర్, పెట్రోలియం మంత్రి ధర్మేంద్ర ప్రధాన్ లతోనూ మాట్లాడారు. బీజేపీ జాతీయాధ్యక్షుడు జగత్ ప్రకాశ్ నడ్డా కూడా ప్రధాని నివాసానికి వచ్చారు. మొత్తంగా 5 మీటింగ్ లు జరిగాయి. మంత్రులు సభ్యులుగా ఉన్న వివిధ గ్రూప్ ల పనితీరుపై మోడీ సమీక్షించినట్టు సమాచారం. త్వరలోనే కేబినెట్ విస్తరణ, ఈ నెల 24న జమ్మూకశ్మీర్ కు సంబంధించిన రాజకీయ పార్టీల నేతలతో సమావేశానికి సంబంధించి కూడా చర్చ జరిగినట్టు ఢిల్లీ వర్గాల సమాచారం. అయితే ఆ మీటింగ్ లో జమ్మూకశ్మీర్ లో నియోజకవర్గాల డీలిమిటేషన్ పై మాత్రమే చర్చ జరుగుతుందని... పూర్తి స్థాయి రాష్ట్ర హోదాపై కాదని ప్రభుత్వ వర్గాలు క్లారిటీ ఇచ్చాయి.
