హన్మకొండ జిల్లా : భూ సెటిల్మెంట్లు, తుపాకీతో బెదిరింపుల కేసులో నయీం గ్యాంగ్ సభ్యుడిని పోలీసులు అరెస్ట్ చేశారు. దాదాపు 45 రోజుల క్రితం కేసు నమోదైన తర్వాత తాజాగా నయీం అనుచరుడు ముద్దసాని వేణుగోపాల్ ను అరెస్ట్ చేశారు. ఆరెపల్లిలోని ఓ ల్యాండ్ విషయంలో తుపాకీతో బెదిరింపులకు పాల్పడటంతో జులై 29వ తేదీన వేణుగోపాల్ పై పోలీసులు కేసు నమోదు చేశారు.
పోలీస్ ఆర్ఐ సంపత్ కుమార్, నయీం అనుచరుడు ముద్దసాని వేణుగోపాల్ సహా మొత్తం10 మందిపై కేసులు నమోదు చేశారు. 20రోజుల క్రితం ఆర్ఐ సంపత్ కుమార్ ను అరెస్ట్ చేశారు. సోమవారం హన్మకొండలోని తన ఇంటికి వచ్చిన వేణుగోపాల్ ను పోలీసులు అరెస్ట్ చేశారు. నిందితుడు వేణుగోపాల్ ను పరకాల సబ్ జైలుకు తరలించారు.