భద్రాద్రికొత్తగూడెం/భద్రాచలం/ జూలూరుపాడు, వెలుగు : భారీ వాహనాలైన ట్రాక్టర్లు, లారీలకు రేడియం స్టిక్కర్లు తప్పనిసరిగా అంతికించుకోవాలని ఎస్పీ బి.రోహిత్ రాజు మంగళవారం ఒక ప్రకటనలో తెలిపారు. జూలూరుపాడు , గుండెపుడి, పాపకొల్లు గ్రామాలకు చెందిన ట్రాక్టర్ డ్రైవర్లతో డీఎస్పీ అబ్దుల్ రెహమాన్ సమావేశం నిర్వహించారు. భద్రాచలం గోదావరి బ్రిడ్జి సమీపంలో ఏఎస్పీ పంకజ్ పరితోష్ వాహనదారులకు సీఐ నాగరాజురెడ్డితో కలిసి అవగాహన కల్పించారు.
నిబంధనలకు విరుద్ధంగా ఉన్న ట్రాక్టర్లను గుర్తించి స్వయంగా రేడియం స్టిక్కర్లు అంతికించారు. 15 రోజుల పాటు ఈ స్పెషల్ డ్రైవ్ నిర్వహిస్తామని తెలిపారు. ప్రమాదాలను నివారించేందుకు చర్యలు తీసుకుంటున్నట్లు వెల్లడించారు. రేడియం స్టిక్కర్లు లేని వాహనదారులు ఆర్టీవో, ఎంవీఐ కార్యాలయాలకు వెళ్లి తీసుకోవాలని సూచించారు. లోడింగ్ విషయంలో వాహనదారులు జాగ్రత్తలు తీసుకోకపోతే చర్యలు తప్పవని హెచ్చరించారు.
