కోల్కతా: ప్రధాని నరేంద్ర మోడీకి కాంగ్రెస్ నేత రాహుల్ గాంధీనే అతిపెద్ద టీఆర్పీ అని టీఎంసీ చీఫ్, బెంగాల్ సీఎం మమతా బెనర్జీ అన్నారు. పార్లమెంటులో చర్చించాల్సిన కీలక అంశాల నుంచి దృష్టి మళ్లించేందుకే రాహుల్ను బీజేపీ హీరోగా చిత్రీకరిస్తోందని ఆరోపించారు. రాహుల్ ప్రతిపక్షాల లీడర్ అయితే మోడీని ఎదుర్కోవడం సాధ్యం కాదని మమత అన్నారు. ముర్షిదాబాద్ జిల్లాలో జరిగిన పార్టీ సమావేశంలో ఆమె కాంగ్రెస్పై మండిపడ్డారు. ‘‘రాహుల్ విదేశాలకు పోయి ఏదో కామెంట్ చేసిండని వాటి గురించి పార్లమెంటు సమావేశాలనే జరగనివ్వట్లేదు. అదానీ, ఎల్ఐసీ, గ్యాస్ ధరల పెంపు వంటి బర్నింగ్ ఇష్యూలపై చర్చ జరగకుండా ఉండేందుకే బీజేపీ ఈ వ్యూహం అనుసరిస్తోంది. ప్రతిపక్షాలు ప్రజల సమస్యలను లేవనెత్తే పరిస్థితే లేకుండా చేస్తున్నది. బీజేపీతో పోరాడటంలో కాంగ్రెస్ ఫెయిల్ అయింది” అని మమతా బెనర్జీ అన్నారు.
