- ఇద్దరిని అరెస్ట్ చేసిన పోలీసులు
- రూ. లక్ష విలువైన 11 గ్రాముల ఎండీఎంఏ సీజ్
షాద్నగర్, వెలుగు: గోవా నుంచి సిటీకి డ్రగ్స్ తరలిస్తున్న ఇద్దరిని రాజేంద్రనగర్ ఎస్వోటీ, శంషాబాద్, షాద్నగర్ పోలీసులు అరెస్ట్ చేశారు. శుక్రవారం షాద్నగర్ పీఎస్లో ఏర్పాటు చేసిన సమవేశంలో ఏసీపీ రామస్వామి వివరాలు వెల్లడించారు. గురువారం రాత్రి 8 గంటలకు రాయికల్ టోల్ ప్లాజా వద్ద రాజేంద్రనగర్ ఎస్వోటీ ఎస్సైలు రమణారెడ్డి, రాజశేఖర్, శంషాబాద్ డీసీపీ నారాయణ రెడ్డి, అడిషనల్ డీసీపీ రషీద్, షాద్ నగర్ ఇన్ స్పెక్టర్ ప్రతాప్ లింగం ఆధ్వర్యంలో పోలీసులు తనిఖీలు చేపట్టారు.
ఓ ట్రావెల్స్ బస్సును తనిఖీ చేసి కె. ప్రియాంక రెడ్డి అలియాస్ ప్రియ(29), ఎం. శ్రీతేజ(29) అనే ఇద్దరు ప్యాసింజర్లను అదుపులోకి తీసుకున్నారు. వారి నుంచి 11 గ్రాముల ఎండీఎంఏ డ్రగ్ను స్వాధీనం చేసుకున్నారు. దీని విలువ సుమారు రూ.లక్ష ఉంటుందని ఏసీపీ రామస్వామి తెలిపారు. న్యూ ఇయర్ వేడుకల కోసం గోవా నుంచి సిటీకి డ్రగ్స్ తీసుకొస్తున్నట్లు నిందితులు విచారణలో ఒప్పుకున్నారన్నారు.
నిందితులకు డ్రగ్స్ను అందించిన గోవాలో ఉండే రష్యన్ మహిళ అన్నాపై సైతం కేసు నమోదు చేశామన్నారు. ఈ డ్రగ్స్ దందాలో గోవాకు చెందిన శివ, భరత్ కుమార్ ఉన్నట్లు గుర్తించామన్నారు. ప్రియాంక, శ్రీతేజను అరెస్ట్ చేసి రిమాండ్కు తరలించామన్నారు.
