పెబ్బేరు, వెలుగు: వనపర్తి జిల్లా ఫుట్ బాల్ అసోసియేషన్ ఆధ్వర్యంలో పెబ్బేరు పీజేపీ గ్రౌండ్లో నిర్వహించిన 9వ రాష్ట్ర స్థాయి ఫుట్బాల్ ఛాంపియన్ షిప్ ఫైనల్ పోటీల్లో రంగారెడ్డి జిల్లా జట్టు విజేతగా నిలిచింది. వనపర్తి, ఖమ్మం, మెదక్, రంగారెడ్డి జట్లు సెమీ ఫైనల్ కు చేరుకోగా, శుక్రవారం ఉదయం వనపర్తి జట్టుపై ఖమ్మం, మెదక్ జట్టుపై రంగారెడ్డి విజయం సాధించి ఫైనల్ కు చేరాయి. ఫైనల్ లో రంగారెడ్డి టీమ్ 3–-0 స్కోర్తో ఛాంపియన్గా నిలిచింది.
రన్నరప్ గా ఖమ్మం, మూడో స్థానంలో వనపర్తి, మెదక్ జట్లు ట్రోఫీలను అందుకున్నాయి. విజేతలకు ట్రోఫీలను అందించి అభినందించారు. అసోసియేషన్ జిల్లా అధ్యక్షుడుకె కృష్ణకుమార్ రెడ్డి, టీఎఫ్ఏ స్టేట్ జనరల్ సెక్రటరీ జీపీ ఫాల్గుణ, మున్సిపల్ చైర్ పర్సన్ కరుణశ్రీ, సెలికాన్, ఇరిగేషన్ ఎస్ఈ సత్య శీలారెడ్డి, తిరుపతి, అప్సర్, రాజేందర్, నాగరాజు, కమల్ పాల్గొన్నారు.
