పద్మారావునగర్, వెలుగు: వ్యవసాయ శాఖ రిటైర్డ్ అడిషనల్ డైరెక్టర్ ఈ.రాఘవరావు(91)వృద్ధాప్య సమస్యలతో ఆదివారం సాయంత్రం అత్తాపూర్ లో కన్నుమూశారు. గతంలో ఆయన చేసిన డిక్లరేషన్ ప్రకారం ఆయన డెడ్బాడీని కుటుంబసభ్యులు సోమవారం గాంధీ మెడికల్ కాలేజీకి అప్పగించారు. వైద్య విద్యార్థుల పరిశోధనల కోసం డొనేట్ చేసినట్లు ఫ్యామిలీ మెంబర్స్ తెలిపారు. మెడికల్ కాలేజీ ప్రిన్సిపాల్ డాక్టర్ ఇందిర, అనాటమీ ప్రొఫెసర్ సుధాకర్ బాబు, అసిస్టెంట్ ప్రొఫెసర్ డాక్టర్ సంగీత, ఎంపీహెచ్వో వేణుగోపాల్ గౌడ్ పాల్గొన్నారు.
