సీఎం రేవంత్ రెడ్డి ఢిల్లీకి బయల్దేరారు. ఇవాళ ఉదయం 11 గంటలకు ఏఐసీసీ కార్యాలయంలో నిర్వహించనున్న పార్లమెంట్ ఎన్నికల సన్నాహక సమావేశంలో పాల్గొననున్నారు. కాంగ్రెస్ జాతీయ అధ్యక్షుడు మల్లికార్జున్ ఖర్గే నేతృత్వంలో ఈ భేటీ జరగనుంది. రాహుల్ గాంధీ చేపటనున్న భారత్ న్యాయ యాత్ర పై లోక్ సభ ఎన్నికల్లో ఎలా ముందుకెళ్లాలన్నదాని పై చర్చించనున్నారు. ఈ సమావేశానికి అన్ని రాష్ట్రాల పీసీసీ అధ్యక్షులు, సీఎల్పీ నేతలు, హాజరుకానున్నారు.
లోక్ సభ ఎన్నికల్లో పొత్తులు, పై ఎత్తుల విషయంపై ఈ సమావేశంలో చర్చించనున్నట్టు సమాచారం. దీంతో పాటు తెలంగాణలో ఖాళీగా ఉన్న నామినేటడ్ పోస్టుల విషయంలో పార్టీ పెద్దల అంగీకారం తీసుకోనున్నట్టు తెలుస్తుంది.
