బషీర్బాగ్, వెలుగు: వివిధ రంగాల్లో సేవలందిస్తున్న వారిని గుర్తించి డ్రీమ్ అచీవ్మెంట్ అవార్డులు అందజేయనున్నట్లు రాయల్ సక్సెస్ బుక్ ఆఫ్ రికార్డ్స్ డైరెక్టర్ హారిక, ఇంటర్నేషనల్ చీఫ్ దిలీప్ తెలిపారు. సోమవారం హైదరాబాద్ బషీర్ బాగ్ ప్రెస్ క్లబ్ లో కేంద్ర మాజీ మంత్రి సముద్రాల వేణుగోపాలాచారి చేతులమీదుగా పోస్టర్ను ఆవిష్కరించారు.
ఈ సందర్భంగా వారు మాట్లాడుతూ.. ఈ నెల 26న గోవాలోని గ్రాండెర్ ‘డి’ సంచిలో అవార్డుల ప్రదానోత్సవం ఉంటుందని, ముఖ్య అతిథులుగా గోవా గవర్నర్ అశోక్ గజపతి రాజు, సీఎం ప్రమోద్ సావాంత్ పాల్గొంటారని చెప్పారు. కార్యక్రమంలో సంస్థ ప్రతినిధులు రాకేశ్జైన్, జయకృష్ణ, కిరణ్, నరేశ్, జితేందర్ సింగ్ తదితరులు పాల్గొన్నారు.
