సమాజంలో ప్రతి ఒక్కరిని భయపెట్టే పదం క్యాన్సర్ అని అన్నారు సైబరాబాద్ సీపీ సజ్జనార్. క్యాన్సర్ మహమ్మారిని నిర్మూలించేందుకు ప్రతి ఒక్కరూ కృషిచేయాలన్నారు. సొసైటీ ఫర్ సైబరాబాద్ సెక్యూరిటీ కౌన్సిల్ ( ఎసిఎసి ) సహకారంతో హైదరాబాద్ , నిజాంపేటలోని ఎస్ఎల్జీ ఆస్పత్రి ఆధ్వర్యంలో ” క్యాన్సర్ స్క్రీనింగ్ ” క్యాంపును ఏర్పాటు చేశారు. ఈ కార్యక్రమానికి ముఖ్య అతిథిగా హాజరైన సజ్జనార్ , ఎస్ఎల్ జీ ఆసుపత్రి చైర్మన్ అండ్ మేనేజింగ్ డైరెక్టర్ డి .శివరామరాజు తో కలిసి ప్రారంభించారు. ఈ సందర్భంగా మాట్లాడిన సజ్జనార్.. ఉన్నత కుటుంబాలతో పాటు బలహీన వర్గాలు అధికంగా ఉండే మన సమాజంలో ప్రతి ఒక్కరినీ భయపెట్టే పదం ” క్యాన్సర్ ” అని అన్నారు . సరైన అవగాహనతోనే క్యాన్సర్ వ్యాధిని నివారించవచ్చన్నారు. క్యాన్సర్ పేరు వింటేనే గ్రామీణ ప్రజలు వణికిపోతారన్నారు . అటువంటి పేద ప్రజలకు క్యాన్సర్ పై అవగాహన కల్పించేందుకు పరీక్షలు చేయాలనుకునే వారికి సహకరించడం ప్రతి ఒక్కరూ బాధ్యతగా భావించాలన్నారు.
see more news
