IND vs ENG: ఇంగ్లాండ్తో కౌంటీ గ్రౌండ్ ట్రెంట్ బ్రిడ్జ్ వేదికగా మంగళవారం (జూలై 7, 2026) జరిగిన మూడో టీ20 మ్యాచ్లోనూ సంజు శాంసన్ను తుది జట్టు (Playing XI) లోకి తీసుకోకపోవడం మరోసారి తీవ్ర వివాదానికి దారి తీసింది. వరుసగా రెండో మ్యాచ్లోనూ సంజును పక్కన పెట్టడంతో, అతను డగౌట్లో నిరాశగా కూర్చుని కనిపించాడు. కొన్ని నెలల క్రితమే 2026 టీ20 వరల్డ్ కప్లో ప్లేయర్ ఆఫ్ ది టోర్నమెంట్ గా నిలిచిన ఆటగాడిని.. కేవలం ఐర్లాండ్, చెస్టర్-లీ-స్ట్రీట్ మ్యాచ్లలో విఫలమయ్యాడని ఇలా పూర్తిగా పక్కన పెట్టడంపై సంజు తీవ్ర అసంతృప్తితో ఉన్నట్లు స్పష్టంగా కనిపించింది.
టీమిండియా ఘోర పరాజయం:
సంజు శాంసన్ లేకపోవడంతో భారత జట్టు మిడిల్ ఆర్డర్ పూర్తిగా కుప్పకూలింది. మ్యాచ్ చూసేందుకు వచ్చిన టీమిండియా అభిమానులు గట్టిగా “We want Sanju back” (మాకు సంజు కావాలి) అంటూ స్టేడియం మార్మోగేలా నినాదాలు చేశారు. ఈ మ్యాచ్లో ఇంగ్లాండ్ విధించిన 202 పరుగుల లక్ష్యాన్ని ఛేదించే క్రమంలో ఇండియన్ టీమ్ ఘోరంగా విఫలమైంది. జోఫ్రా ఆర్చర్, జోష్ టంగ్ ధాటికి భారత్ కేవలం 11.4 ఓవర్లలోనే 76 పరుగులకే ఆలౌట్ అయింది. దీంతో ఇంగ్లాండ్ 125 రన్స్ భారీ తేడాతో ఘన విజయం సాధించింది.
కానీ ఫామ్ కూడా ముఖ్యం: హెడ్ కోచ్
మ్యాచ్ అనంతరం జరిగిన ప్రెస్ కాన్ఫరెన్స్లో టీమిండియా హెడ్ కోచ్ గౌతమ్ గంభీర్ మాట్లాడుతూ.. సంజు శాంసన్ ఎంపికపై కొనసాగుతున్న వివాదంపై స్పందించాడు. తాను సంజుతో వ్యక్తిగతంగా మాట్లాడి క్లారిటీ ఇచ్చానని చెబుతూ, మేనేజ్మెంట్ నిర్ణయాన్ని గంభీర్ గట్టిగా సమర్థించుకున్నాడు. టీ20 వరల్డ్ కప్లో శాంసన్ భారతదేశం కోసం చేసిన ప్రదర్శన అద్భుతమైనది, అందులో ఎలాంటి సందేహం లేదు.. కానీ కొన్నిసార్లు మనం ఆటగాడి ప్రస్తుత ఫామ్ను కూడా పరిగణనలోకి తీసుకోవాలని గంభీర్ చెప్పుకొచ్చాడు.
►ALSO READ | వరల్డ్కప్లో జాతి వివక్ష కలకలం.. అర్జెంటీనాతో మ్యాచ్లో ఈజిప్ట్ కోచ్ 'X' సిగ్నల్తో FIFA అలర్ట్!
మళ్లీ కమ్బ్యాక్ చేస్తాడు:
ఈ సిరీస్లోనే అతను మళ్లీ కమ్బ్యాక్ చేయలేడనే రూల్ ఏమీ లేదని భారత ప్రధాన కోచ్ గౌతమ్ గంభీర్ తెలిపారు. చివరికి అంతర్జాతీయ క్రికెట్ అనేది ఫలితాల (Results) పై ఆధారపడి ఉంటుంది. జట్టుకు విజయాన్ని అందించడానికి ఏ కాంబినేషన్ బెస్ట్ అనిపిస్తే, మేము ఆ కాంబినేషన్తోనే మైదానంలోకి దిగుతామని గంభీర్ తేల్చి చెప్పాడు. దీంతో రాబోయే మరో రెండు టీ20 మ్యాచుల్లో సంజుకి చోటు దక్కే అవకాశాలున్నాయని గంభీర్ పరోక్షంగా హింట్ ఇవ్వడంతో ఫ్యాన్స్ కాస్త కూల్ అయ్యారు.
SANJU SAMSON SEEN UNHAPPY IN DUGOUT 🤯
— Sam (@cricsam02) July 8, 2026
- feel for Sanju just 3 failures & he dropped 😢 pic.twitter.com/1MKqXbu5QH
#Breaking - ‘We Want Sanju'... Slogan Echoes in Front of BCCI Officials and Players
— NEWS WALA (@NEWSWALApy) July 8, 2026
In the presence of BCCI officials and Indian players, fans chanted 'We Want Sanju'. In a video going viral on social media, a large number of fans can be seen raising slogans in support of Sanju… pic.twitter.com/XYYgLf7CZi
