మధిర, వెలుగు : మధిర పట్టణంలో పలు అభివృద్ధి పనులకు శంకుస్థాపన చేసేందుకు బుధవారం డిప్యూటీ సీఎం, విద్యుత్, ఆర్థిక శాఖ మంత్రి మల్లు భట్టి విక్రమార్క మధిరకు రానున్నారు. ఈ సందర్భంగా హెలీపాడ్ స్థలాన్ని మంగళవారం అధికారులు, కాంగ్రెస్ పార్టీ నాయకులు పరిశీలించారు. నిధానపురం ఆర్అండ్డీ రోడ్డు నాలుగు లేన్లకు మధిర ట్యాంక్ వద్ద, మధిర నుంచి ఆత్కూరు వరకు బీడీ రోడ్డు వెడల్పు, ప్రభుత్వ జూనియర్ కళాశాలలో అభివృద్ధి పనులకు శంకుస్థాపన చేస్తారని అధికారులు తెలిపారు.
కార్యక్రమంలో తహసీల్దార్ వెంకటేశ్వర్లు, సీఐ మధు, టౌన్ ఎస్సై సంధ్య , మున్సిపాలిటీ కమిషనర్ షఫీ ఉల్లా, ఆర్ అండ్ బీ అధికారులు, మధిర మండల కాంగ్రెస్ పార్టీ అధ్యక్షుడు సూరం శెట్టి కిషోర్, మున్సిపాలిటీ కౌన్సిలర్లు కోన ధని కుమార్ తదితరులు పాల్గొన్నారు.
