రౌడీ బాయ్స్ హీరో ఆశిష్ నటిస్తున్న లేటెస్ట్ మూవీ "సెల్ఫిష్". లవ్ టుడే ఫేమ్ ఇవానా ఈ మూవీలో హీరోయిన్ గా నటిస్తోంది. శ్రీ వెంకటేశ్వర క్రియేషన్స్, సుకుమార్ రైటింగ్స్ సంయుక్తంగా నిర్మిస్తున్న ఈ మూవీని.. కాశీ విశాల్ అనే కొత్త దర్శకుడు తెరకెక్కిస్తున్నాడు. యూత్ కి కనెక్ట్ అయ్యేలా లవ్ అండ్ మాస్ ఎలిమెంట్స్ ఉన్న కథతో ఈ సినిమా రానుంది.
తాజాగా ఈ సినిమా నుండి ఫస్ట్ సాంగ్ రిలీజ్ చేశారు మేకర్స్. దిల్ ఖుష్ అంటూ సాగే ఈ పాట ఆడియన్స్ ని విపరీతంగా ఆకట్టుకుంటోంది. విడుదలైన కొన్ని నిమిషాల్లోనే రికార్డ్ వ్యూస్ తో దూసుకుపోతోంది ఈ పాట. మిక్కీ జె మేయర్ స్వరపరిచిన ఈ పాటకి రామజోగయ్య శాస్త్రి లిరిక్స్ అందించగా.. జావేద్ అలీ పాడాడు.
లిరికల్ వీడియోలో ఆశిష్ డాన్స్ కూడా అందరినీ ఆకట్టుకుంటోంది. స్టైలీష్ స్టెప్స్ ని చాలా ఈజ్ తో చేశాడు ఆశిష్. ట్రెడిషనల్ డాన్స్ తో ఇవానా కూడా అదరగొట్టింది. చూస్తుంటే.. ఈ మూవీతో మరో సూపర్ హిట్ ని తన ఖాతాలో వేసుకునేలా ఉన్నాడు ఆశిష్. ప్రస్తుతం హైదరాబాద్ పరిసర ప్రాంతాల్లో షూటింగ్ జరుపుకుంటున్న ఈ మూవీ త్వరలోనే ప్రేక్షకుల ముందుకు రానుంది.
