బాలీవుడ్ లవ్ కపూల్ సిద్ధార్థ్ మల్హోత్రా, కియారా అద్వానీ వివాహ బంధంతో ఒక్కటయ్యారు. రాజస్థాన్‌లోని జైసల్మీర్‌లోని సూర్యఘడ్ ప్యాలెస్‌లో వీరి వివాహా వేడుక అత్యంత ఘనంగా జరిగింది. కుటుంబ సభ్యులు, అత్యంత సన్నిహితుల మధ్య జరిగిన ఈ వేడుకకు బాలీవుడ్ నుంచి కరణ్ జోహార్, మనీష్ మల్హోత్రా, షాహిద్ కపూర్, జుహీ చావ్లా, మీరా రాజ్‌పుత్ కపూర్ తదితరులు హాజరయ్యారు. కొన్నేళ్లుగా ప్రేమలో ఉన్న సిద్ధార్థ్, కియారాల పెళ్లిపై ఈ మధ్య వార్తలు వచ్చినప్పటికీ ఇద్దరు కామ్ గానే ఉన్నారు. 2021లో విడుదలైన షేర్షా షూటింగ్ టైమ్ లో సిద్ధార్థ్, కియారా ప్రేమలో పడ్డారు.
