నందమూరి అభిమానులకు అదిరిపోయే ట్రీట్ ఇచ్చాడు రాప్ సింగర్ నోయల్(Noyal). జూన్ 10 బాలకృష్ణ(Balakrishna) పుట్టినరోజు సందర్భంగా నోయల్ ఓక్ రాప్ సాంగ్ ను రిలీజ్ చేశాడు. బాలయ్య గొప్ప మనసును చాటుతూ సాగిన ఈ పాటను యూట్యూబ్ లో విడుదల చేశాడు. నోయల్ స్వయం గా రాసి పాడిన ఈ పాటకు.. ప్రదీప్ సంగీతం అందించాడు.. “నందమూరి సింహం వచ్చే సూడు.. " అంటూ పవర్ ఫుల్ లిరిక్స్ తో సాగిన ఈ పాట ఆడియన్స్ ను మరీ ముఖ్యంగా బాలయ్య అభిమానులను బాగా ఆకట్టుకుంటుంటుంది.
ఇక బాలకృష్ణ సినిమాల విషయానికి వస్తే.. ప్రస్తుతం ఆయన అనిల్ రావిపూడి(Anil Ravipudi) దర్శకత్వంలో "భగవంత్ కేసరి(Bhavanth Kesari)" అనే మాస్ ఎంటర్టైనర్ సినిమాను చేస్తున్నాడు. ఈ సినిమాలో బాలయ్యకు జోడీగా కాజల్ అగర్వాల్(Kajal Agarwal) హీరోయిన్ గా నటిస్తుండగా యంగ్ హీరోయిన్ శ్రీలీల(Sreeleela) మరో ముఖ్య పాత్రలో నటిస్తోంది. బాలయ్య బర్త్ డే సందర్భంగా విడుదలైన టీజర్ కు అదిరిపోయే రెస్పాన్స్ వచ్చింది. ఈ సినిమా తరువాత బాలకృష్ణ బాబీ కొల్లి(Bobby Kolli) దర్శకత్వంలో ఓ సినిమా చేస్తున్నాడు. ఈ సినిమా జూన్ 10న అధికారికంగా ప్రారంభమైంది. ఈ సినిమా 2024లో ప్రేక్షకుల ముందుకు రానుంది.
