వైజాగ్ బ్యూటీ శోభితా ధూళిపాళ్ల(Sobhita Dhulipala) తాజాగా ఇంట్రెస్టింగ్ కామెంట్స్ చేసింది. తనను అభిమానించే వారు తన నటన గురించి మాట్లాడాలని అంతే కానీ వ్యక్తిగత జీవితంపై వ్యాఖ్యలు చేయవద్దని కోరింది. ఇటీవల నాగచైతన్య(Naga chaitanya)తో రిలేషన్లో ఉందంటూ శోభితపై రూమర్స్ వచ్చిన విషయం తెలిసిందే. అలాంటి రూమర్లను పట్టించుకోనని ఈ బ్యూటీ ఇండైరెక్ట్గా తెలిపింది.
‘కొన్ని సార్లు బయటకు మాట్లాడకపోతే చాలా విషయాలు తెలుసుకునే అవకాశమే ఉండదు. అందుకే చెప్పున్నా.. నేను ఈ స్థాయికి రావడానికి చాలా కష్టపడ్డాను. నా ప్రతిభ, శ్రమ ఆధారంగానే ఎవరైనా నన్ను గుర్తించాలని కోరుకుంటాను. నా పర్సనల్ లైఫ్పై చేసే వ్యాఖ్యలు పట్టించుకోను’అని తెలిపింది. ఇక తన జీవిత భాగస్వామి క్వాలిటీస్ గురించి ప్రస్తావిస్తూ.. ఒదిగి ఉండే వ్యక్తిత్వం ఉండి, అర్థం చేసుకునే వాడైతే చాలని తెలిపింది.
