రైతుబంధు బంద్ చేయాలని ఫిర్యాదు చేసిండ్రు
కామారెడ్డిలో కాంగ్రెస్, బీజేపీలకు దిమ్మ తిరిగే తీర్పునివ్వాలి
కామారెడ్డి, వెలుగు: కాంగ్రెస్ పార్టీ రైతులకు వ్యతిరేకమని, రైతులు అభివృద్ధి చెందితే వారికి గిట్టదని స్పీకర్పోచారం శ్రీనివాస్రెడ్డి విమర్శించారు. రైతు బంధును ఆపాలని ఫిర్యాదు చేసిన కాంగ్రెస్కు ఓట్లు వేయొద్దని ఆయన కోరారు. గురువారం కామారెడ్డి లో విప్ గంప గోవర్ధన్, ఎమ్మెల్సీ శేరి సుభాష్రెడ్డి, జిల్లా ప్రెసిడెంట్ఎంకే ముజీబోద్దీన్తో కలిసి మీడియాతో మాట్లాడారు. రాష్ట్రంలో అయిదేండ్లుగా రైతుబంధు పథకం అమలవుతుందని ఇప్పటి వరకు పది విడుతల్లో రైతుల ఖాతాల్లో డబ్బులు జమయ్యాయని, ఇది నిరంతర ప్రక్రియ అని పేర్కొన్నారు.
కానీ కాంగ్రెస్ నేతలు రైతుబంధు ఆపాలంటూ కేంద్ర ఎన్నికల సంఘానికి ఫిర్యాదు చేయడం సరికాదన్నారు. 60 ఏండ్లు పాలించిన కాంగ్రెస్ పార్టీ రైతులకు ఏం చేయకపోగా, మంచి చేసే వాళ్లను అడ్డుకుంటున్నారన్నారు. కర్నాటకలో ఆ పార్టీ ఇచ్చిన హామీలను నెరవేర్చలేదని, అక్కడి రైతులే మన రాష్ట్రానికి వచ్చి కాంగ్రెస్కు వ్యతిరేకంగా ప్రచారం చేస్తున్నారన్నారు. మోసం చేసి ఓట్లు దండుకోవడం వారికి అలవాటేనన్నారు. కాంగ్రెస్ పార్టీ వైఖరి చూస్తే మిషన్ భగీరథ నీళ్ల సప్లయ్ కూడా నిలిపి వేయాలని కోరేలా ఉన్నారని ఎద్దేవా చేశారు.
ప్రజలు, రైతులు కాంగ్రెస్కు తగిన గుణపాఠం చెబుతారన్నారు. కాంగ్రెస్, బీజేపీ పార్టీలకు చాలా చోట్ల క్యాండిడేట్లు కూడా దొరకడం లేదని, బీజేపీ10 మించి సీట్లు గెలిచే పరిస్థితి లేదన్నారు. మరో నెల రోజుల్లో పోలింగ్ ఉన్నా టికెట్లు కూడా పంపిణీ చేయలేని దుస్థితిలో కాంగ్రెస్ఉందన్నారు. కామారెడ్డిలో కాంగ్రెస్, బీజేపీ పార్టీలకు దిమ్మ తిరిగే ఫలితాలు వస్తాయన్నారు.ఇక్కడి నుంచి కేసీఆర్ పోటీ చేస్తున్నందున ఆ పార్టీలకు డిపాజిట్లు కూడా దక్కవన్నారు.
