ఒక చిన్న ఆలోచన... దాన్ని అమలు చేయడానికి ఒక ప్లాట్ఫాం... ఈ రెండు అంశాలే ఒక వ్యక్తి సక్సెస్కి కారణం. ఇండియాలో మోస్ట్ సక్సెస్ ఫుల్ యూట్యూబర్స్లో ఒకడైన అరునభ్ కుమార్ విజయానికి కూడా ఇవే మెయిన్ పిల్లర్స్. ఆలోచనే పెట్టుబడిగా, దాన్ని అమలు చేయడానికి యూట్యూబ్ అనే ప్లాట్ ఫాం వాడుకున్నాడు. వెరైటీ కాన్సెప్ట్లతో ఎంటర్టైన్ చేస్తూ నెటిజన్స్కు దగ్గరయ్యాడు. ఇప్పుడు స్టార్ యూట్యూబర్స్లో ఒకడిగా నిలిచాడు. అరునభ్ సక్సెస్ వెనకున్న స్టోరీ ఇది...
యూట్యూబ్ ఛానెల్స్లో ఒక్కొక్కళ్లు ఒక్కో థీమ్తో వీడియోలు చేస్తుంటారు. కానీ వాళ్లలో కొందరే ఫేమస్ అవుతారు. సమ్థింగ్ స్పెషల్ అనిపించుకుంటారు. అరునభ్ కూడా అంతే... ఇంజినీర్ అవ్వాలనుకుని.. అమెరికాలో ఎయిర్ ఫోర్స్లో జాబ్ చేసి, అటు నుంచి యూటర్న్ తీసుకుని టీవీఎఫ్ (ది వైరల్ ఫీవర్) నెట్వర్క్ పెట్టాడు. మొదట ఎన్నో ఒడిదుడుకులు... వాటన్నింటినీ దాటి ఇప్పుడు సక్సెస్ ఫుల్ సిరీస్ కో– రైటర్, ఫౌండర్, ది వైరల్ ఫీవర్ మీడియా ల్యాబ్స్ కంపెనీకి క్రియేటివ్ ఎక్స్పరిమెంట్ ఆఫీసర్ వంటి రకరకాల రోల్స్ లైఫ్ ఎంజాయ్ చేస్తున్నాడు అరునభ్.
‘‘చాలామందిలాగే నేను కూడా ఐఐటి చేసి, ఒక మంచి ఇంజినీర్ కావాలని కల కనేవాడిని. అయితే చిన్నప్పటి నుంచి దూరదర్శన్లో వచ్చే టీవీ ప్రోగ్రామ్స్ చూడటం అలవాటు నాకు. అప్పట్లో డీడీ, ముల్లా నస్రుద్దీన్, మంగేరిలాల్ కె హసీన్ సప్నే వంటి ప్రోగ్రామ్స్ చూసేవాడిని. అయితే, అవేవీ నన్ను ఇన్స్పైర్ చేయలేదు. అలా టీవీ చూడటం ఎంజాయ్మెంట్గా ఉండేది చాలాకాలం. కానీ, మా ఇంట్లో వాళ్లెవరికీ టీవీ ఇష్టం ఉండేది కాదు. నేను టీవీ చూసేవాడ్నే కానీ, నా డ్రీమ్ మాత్రం ఇంజినీర్ అవ్వాలనే ఉండేది. అదే ఆలోచనతో ఐఐటిలో చేరా. కానీ, ఐఐటి చేయడానికి వెళ్లిన నేను సినిమాలు, మూవీ మేకింగ్ గురించి తెలుసుకోవడంపై ఇంట్రెస్ట్ పెట్టా. దాంతో అనుకోకుండా నా లైఫ్ టర్న్ అయింది.అప్పుడు మెల్లగా నాకు అర్థమైన విషయమేంటంటే... నా ఇంట్రెస్ట్ ఇంజినీర్ కాదు. సినిమాలే నా ఇంట్రెస్ట్ అని. అప్పటికే రెండు ఇంటర్న్ షిప్లు చేశా. నా సబ్జెక్ట్ ఇమేజ్ ప్రాసెసింగ్. కాబట్టి, దానికి సంబంధించి అమెరికా ఎయిర్ ఫోర్స్లో జాబ్ వచ్చింది. కానీ, ఆ జాబ్ ఆరు నెలల కంటే ఎక్కువ రోజులు చేయలేకపోయా. నాకు ఆ జాబ్లో శాటిస్ఫాక్షన్ దొరకలేదు. దాంతో ఆ జాబ్ మానేశా. ఇంకేదైనా చేయాలని, క్రియేటివిటీకి సంబంధించిన వాటి కోసం వెతుకుతున్నా. అప్పుడు నాకు సినిమాలు గుర్తొచ్చాయి. రెడ్ చిల్లీస్ ఎంటర్టైన్మెంట్ ఛానెల్లో అసిస్టెంట్ డైరెక్టర్గా నా జర్నీ స్టార్ట్ చేశా. కాలేజీలో ఉన్నప్పుడు ఐఎండీబీలో 250 షోలు ఉంటే, వాటిలో ఇండియన్ షో ఒక్కటి కూడా లేదని ఫీల్ అయ్యే వాళ్లం. మనమెందుకు అలాంటిది ఒకటి ట్రై చేయకూడదు అనిపించేది. ఆ ఆలోచనతోనే ఎంటీవీలో ప్రోగ్రామ్స్ చేశా.
టీవీఎఫ్ ఎందుకు పెట్టానంటే..
బ్రాండెడ్ కంటెంట్ ఇచ్చే కంపెనీగా 2010–11 మధ్యలో టీవీఎఫ్ మీడియా ల్యాబ్స్ మొదలుపెట్టాం. అప్పుడు నా దగ్గర ఉన్న డబ్బుతో సొంతంగా టీవీ షో చేయొచ్చనే నమ్మకం ఉన్నప్పుడే మొదలుపెట్టా. ఒకటిన్నర ఏడాదిపాటు చాలా షోలు చేయాలనుకున్నా. కానీ, అవన్నీ రిజెక్ట్ అయ్యాయి. అప్పుడు నేను సొంతంగా ఆన్లైన్ షో ట్రై చేయాలనుకున్నా. అలా టీవీఎఫ్ ఆన్లైన్ నెట్వర్క్ ఎంటర్టైన్మెంట్ స్టార్ట్ అయింది. అప్పుడు నేను ఒక ఇంజినీర్లా ఆలోచించా.. ఇంటర్నెట్, టెక్నాలజీ వాడుకుని యూత్కి కనెక్ట్ అవ్వాలనుకున్నా. ఇలా ప్రతి దాంట్లో నన్ను నేను బిల్డ్ చేసుకుంటూ వెళ్లా. నాకెవరూ గైడెన్స్ ఇచ్చేవాళ్లు లేరు. దాంతో నన్ను నేను మోటివేట్ చేసుకుంటూ ముందుకెళ్లా. ప్రతి పనిని ఎంజాయ్ చేశా. అయితే, ఎలాంటి గైడెన్స్, ఎవరి సపోర్ట్ లేకుండా ఒక పనిలో సక్సెస్ అవ్వడం చాలా కష్టం. ఎన్నో సవాళ్లను ఎదుర్కోవాల్సి వచ్చింది. అయితే నేను నమ్మేది ఒక్కటే.. మనసులో ఒకటి చేయాలి అనుకుంటే దాని గురించే ఆలోచించాలి. చేసేటప్పుడు ఎంజాయ్ చేస్తూ చేయాలి. దాన్నే ఫాలో అవుతున్నా. చదువుకునే రోజుల్లో బిహార్లో కోటా అనే ఊళ్లో కొన్ని రోజులు ఉన్నా. ఆ ఊరు ఇండియాలోని మరో వైపుని నాకు పరిచయం చేసింది. ఇప్పుడు నేనిలా ఉండడానికి కారణం కూడా ఆ ఊరే. అక్కడ చాలా విషయాలు నన్ను ప్రభావితం చేశాయి. ఇప్పటికీ ప్రతి ఏడాది కోటాకి వెళ్లొస్తా.
ఫ్యామిలీ గురించి..
1982లో బిహార్లోని ముజాఫర్పూర్ జిల్లాలో పుట్టా. ఆరో తరగతి వరకు ఇద్దరు అన్నదమ్ములతో కలిసి ఊళ్లోనే చదివా. ఆ తర్వాత జైపూర్లోని విద్యాశ్రమంలో చదివా. నాకు ఎంతోకాలంగా పరిచయం ఉన్న అమ్మాయి శ్రుతి రంజన్ని 2013లో పెండ్లి చేసుకున్నా.
ది వైరల్ ఫీచర్ ఛానెల్ సబ్స్ర్కైబర్స్ : 11.2 మిలియన్స్
నెట్ వర్త్ : ఇరవై మిలియన్ డాలర్లు
ఇతర ఛానెల్స్ : ది స్ర్కీన్ పట్టి (5.7మిలియన్ సబ్స్ర్కైబర్స్), గర్లియప
(4.6 మిలియన్ సబ్స్ర్కైబర్స్), ది టైమ్లైనర్స్ (6.92 మిలియన్ సబ్స్ర్కైబర్స్)
