టీమిండియా జాగ్రత్త: శ్రీలంకని తక్కువ అంచనా వేస్తే అంతే.. భారత్‌తో రెండో టెస్టుకు బిగ్ ప్లాన్ ఇదే!

IND vs SL: సొంతగడ్డపై తొలి టెస్టులో ఘోర పరాభవం మూటగట్టుకున్న శ్రీలంక.. ఇప్పుడు భారత జట్టుకు షాకిచ్చేందుకు కిరాక్ మాస్టర్ ప్లాన్ వేసింది. రెండు టెస్టుల సిరీస్‌లో ఆఖరిదైన రెండో టెస్టు ఆదివారం నుంచి కొలంబోలోని ప్రసిద్ధ ఎస్‌ఎస్సీ స్టేడియంలో షురూ కానుంది. గాలే టెస్టును 165 పరుగుల తేడాతో గెలిచి టీమిండియా 1–0 లీడ్‌లో ఉండటంతో లంక బోర్డులో తీవ్ర ఖంగారు మొదలైంది. భారత్ స్పిన్ ధాటికి తామే వికెట్లు పారేసుకుంటుండటంతో కొలంబోలో స్పిన్ ట్రాక్ పెడితే అసలుకే ఎసరు వస్తుందని భావిస్తోంది. దినేష్ చండిమల్, కుశాల్ మెండిస్, పాతుమ్ నిస్సంక లాంటి స్టార్ ప్లేయర్లు దూరమవ్వడం లంకను మరింత కలవరపెడుతోంది. దీంతో ఇండియాను కంగారు పెట్టేలా కొలంబో వికెట్‌పై శ్రీలంక బోర్డు ఒక సీక్రెట్ మాస్టర్ ప్లాన్ సిద్ధం చేసినట్లు జోరుగా ప్రచారం జరుగుతోంది. 

స్పిన్ వికెట్ వద్దు.. భారత్‌ను దెబ్బకొట్టే కొత్త వేపన్:

తొలి టెస్టులో భారత స్పిన్నర్ల ధాటికి శ్రీలంక బ్యాటింగ్ లైనప్ కంప్లీట్‌గా కుప్పకూలిపోయింది. గాలే పిచ్‌లాగా ఇక్కడ కూడా ర్యాంక్ టర్నర్ లేదా విపరీతమైన స్పిన్ ట్రాక్ తయారు చేస్తే, అది ఇండియాకే ప్లస్ పాయింట్ అవుతుందని లంక బోర్డు విశ్లేషించింది. అందుకే టీమిండియా బౌలర్లను కట్టడి చేసేందుకు, తమ యంగ్ బ్యాటర్లకు హెల్ప్ అయ్యేలా బ్యాటింగ్, బౌలింగ్ రెండింటికీ సమానంగా సహకరించే బ్యాలెన్స్‌డ్ వికెట్ ను సిద్ధం చేయాలని చూస్తోంది. ఈ సర్ప్రైజ్ పిచ్‌తోనైనా ఇండియా విజయపరంపరకు బ్రేక్ వేసి సిరీస్‌ను 1–1తో సమం చేయాలని ఆతిథ్య జట్టు పట్టుదలతో ఉంది.

కొలంబో కంచుకోట మైండ్ గేమ్‌.. రికార్డులతో మైండ్ బ్లాంక్: 

ఒకప్పుడు కొలంబోలోని ఎస్‌ఎస్సీ (SSC) స్టేడియం శ్రీలంకకు తిరుగులేని కంచుకోటగా ఉండేది. 1999 నుంచి 2009 మధ్య ఇక్కడ ఆడిన 12 టెస్టుల్లో లంక జట్టు అసలు ఓటమే ఎరుగకుండా 6 గెలిచి, 6 డ్రా చేసుకుంది. సంగక్కర, జయవర్ధనే పరుగుల వరద పారించగా.. మురళీధరన్ ప్రత్యర్థులను భయపెట్టేవాడు. కానీ ఈ దిగ్గజాలు రిటైర్ అయ్యాక లంక ఇక్కడ దారుణంగా తడబడింది. ఆ తర్వాత ఆడిన 7 టెస్టుల్లో ఏకంగా 4 మ్యాచ్‌ల్లో ఓడింది. ఇందులో భారత్‌తో ఇక్కడ జరిగిన గత రెండు టెస్టుల్లోనూ శ్రీలంక ఘోర పరాజయం  పాలవ్వడం గమనార్హం. 

ALSO READ : చైనాకు షాకిచ్చిన ట్రీసా– గాయత్రి..

టాస్ గెలిస్తేనే తోపు? డబ్ల్యూటీసీ పాయింట్ల కోసం అమీతుమీ: 

కొలంబోSSC పిచ్‌పై టాస్ గెలిచి ఫస్ట్ బ్యాటింగ్ చేసిన జట్టుకే గెలిచే అవకాశాలు ఎక్కువగా ఉంటాయని క్యూరేటర్ల టాక్. వరల్డ్ టెస్ట్ ఛాంపియన్‌షిప్ (WTC) పాయింట్ల పట్టికలో టాప్‌లో నిలవడానికి భారత జట్టు 2–0తో సిరీస్ క్లీన్ స్వీప్ చేయాలని చూస్తుంటే, శ్రీలంక మాత్రం ఎలాగైనా ఈ మ్యాచ్ గెలిచి పరువు నిలబెట్టుకోవాలని ప్లాన్ వేసింది. లంక సిద్ధం చేస్తున్న ఈ రహస్య పిచ్ వ్యూహం పని చేస్తుందో లేక గిల్ సేన (టీమిండియా) శ్రీలంక ప్లాన్‌ను బ్రేక్ చేస్తుందో చూడాలంటే మనం ఆదివారం వరకు ఆగాల్సిందే.