- అడిషనల్ కలెక్టర్కు కౌన్సిలర్ల వినతి
భద్రాద్రికొత్తగూడెం, వెలుగు : ఎండాకాలంలో తాగు నీటి ఎద్దడి నివారణకు చర్యలు చేపట్టాలని కోరుతూ పలువురు కౌన్సిలర్లు కలెక్టరేట్లో స్థానిక సంస్థల అడిషనల్ కలెక్టర్ విద్యాచందనకు శుక్రవారం వినతిపత్రం ఇచ్చారు. ఈ సందర్భంగా కౌన్సిలర్లు వై. శ్రీనివాస్రెడ్డి, బోయిన విజయ్ కుమార్, పీ.సత్యానారాయణ చారి మాట్లాడారు. ప్రతిసారి ఎండాకాలంలో ప్రజలు తాగు నీటి ఎద్దడితో అల్లాడుతున్నారని వాపోయారు.
జీవో నంబర్ 76 ద్వారా పెండింగ్లో ఉన్న పట్టాలను పంపిణీ చేసే విధంగా చర్యలు తీసుకోవాలన్నారు. అర్హులైన పేదలందరికీ ఇండ్ల స్థలాలతో పాటు ఇండ్ల నిర్మాణాలు చేపట్టాలని కోరారు. కోతులు, కుక్కల బెడదతో ప్రజలు భయాందోళనలకు గురవుతున్నారని, ఈ సమస్య పరిష్కారానికి కృషి చేయాలన్నారు. ఈ ప్రోగ్రాంలో మాజీ కౌన్సిలర్ మాచర్ల శ్రీనివాస్ పాల్గొన్నారు.
