నిజామాబాద్, వెలుగు: పోలీసు రికార్డులకెక్కిన రౌడీషీటర్ల ప్రతీ కదలికను ఇక నుంచి క్షుణ్నంగా గమనిస్తామని జిల్లా పోలీస్కమిషనర్ సత్యనారాయణ వెల్లడించారు. వారు రోజు ఎక్కడికి వెళ్తున్నారు? ఎవరిని కలుస్తున్నారు? ఎందుకోసం కలుస్తున్నారనే డాటా సేకరిస్తామన్నారు. రౌడీ షీటర్లు వేరే ప్రాంతాలకు వెళ్లాల్సిన సందర్భంలో సంబంధిత స్టేషన్లో తప్పక చెప్పాలన్నారు.
బుధవారం జిల్లాలోని రౌడీ షీటర్లకు ఆయన తన ఆఫీస్ ప్రాంగణంలో కౌన్సిలింగ్ ఇచ్చారు. సత్పవర్తన కలిగి ఉండాలని, చట్ట వ్యతిరేక కార్యకాలపాలతో కొత్తగా కేసులు నమోదు చేసే పరిస్థితి కల్పించొద్దన్నారు. గడిచిన మూడేండ్ల కాలంలో శాంతికి భంగం కలిగించిన వారిని గుర్తిస్తున్నామని, వారిపై రౌడీ షీట్ఓపెన్ చేస్తామన్నారు.
సోషల్మీడియాలో తప్పుడు ప్రచారాలు చేసేవారిపై కఠినంగా వ్యవహరిస్తామన్నారు. డీసీపీ జయరామ్, అడిషనల్ డీసీపీ గిరిరాజు, ఏసీపీలు ఎం.కిరణ్కుమార్, జగదీశ్చందర్, కెఎం.కిరణ్కుమార్, స్పెషల్బ్రాంచ్ సీఐ శ్రీశైలం తదితరులు ఉన్నారు.
