మోపాల్, వెలుగు: సొసైటీ పాలకవర్గాలు రైతులు ఎదుర్కొంటున్న సమస్యలు గుర్తించి, వాటి పరిష్కారం కోసం సమష్టిగా కృషి చేయాలని నుడా చైర్మన్ ఈగ సంజీవరెడ్డి పేర్కొన్నారు. గురువారం నగర శివారులోని బోర్గం(పి)లో డీసీసీబీ డైరెక్టర్, సొసైటీ చైర్మన్ చంద్రశేఖర్రెడ్డి అధ్యక్షతన సొసైటీ మహాజనసభ నిర్వహించారు. సమావేశంలో ముఖ్యఅతిథిగా పాల్గొన్న సంజీవరెడ్డి మాట్లాడుతూ.. సొసైటీ పర్యవేక్షణలో ఏర్పాటు చేసే ధాన్యం కొనుగోలు కేంద్రాల వద్ద రైతులు ఎదుర్కొనే సమస్యలను పరిష్కరించాలని సూచించారు.
ALSO READ : సీఎం కేసీఆర్ పునరాలోచన చేయాలి : శ్రీరాములు
బోర్గాం (పి) సొసైటీ ఆర్థికంగా బలోపేతం కావడంతో పాటు, అన్ని అంశాల్లో ముందంజలో ఉందని, సొసైటీ అభివృద్ధికి తన వంతు సహకారం అందిస్తానని హామీ ఇచ్చారు. సొసైటీ పాలకవర్గం చైర్మన్ సంజీవరెడ్డిని సన్మానించింది. సొసైటీ కార్యదర్శి కృష్ణ, డైరెక్టర్లు పాల్గొన్నారు.
