భద్రాచలం, వెలుగు: భద్రాద్రి రాముడు.. తెలంగాణ దేవుడని ఉద్యమ టైంలో నినదించిన కేసీఆర్.. సీఎం అయ్యాక భద్రాచలంలో చేసిన అభివృద్ధి ఏంటో చెప్పాలని శ్రీకాకుళం జిల్లా ఆనందాశ్రమ పీఠాధిపతి స్వామి శ్రీనివాసానంద సరస్వతి ప్రశ్నించారు. టౌన్లోని ప్రముఖులను కలిసిన అనంతరం శుక్రవారం ఆయన మీడియాతో మాట్లాడారు. భద్రాద్రి ఆలయానికి రూ.100కోట్లు ఇస్తానన్న సీఎం100 పైసలు కూడా ఇవ్వలేదని గుర్తుచేశారు. కల్యాణానికి పట్టువస్త్రాలు, ముత్యాల తలంబ్రాలు తీసుకెళ్లే సంప్రదాయాన్ని బ్రేక్ చేస్తావా అని ప్రశ్నించారు. పాండురంగాపురం నుంచి సారపాక వరకు13 కి.మీల రైల్వే లైను వేసేలా కేంద్రంపై ఒత్తిడి తీసుకురావాలని సూచించారు.15 రోజుల్లో రూ.100కోట్లు ఇవ్వకపోతే 16వ రోజు నుంచి భద్రాచలంలోనే స్వామీజీలంతా కలిసి దీక్షలు చేపడతామని హెచ్చరించారు.
