- తొలి విడతలో భాగంగా 14 స్టార్టప్స్ ఎంపిక
హైదరాబాద్, వెలుగు: డీప్టెక్రంగంలో నూతన ఆవిష్కరణలను ప్రపంచస్థాయికి తీసుకెళ్లేలా స్టార్టప్ ఇంక్యుబేటర్ టీహబ్ కొత్త పథకాన్ని తీసుకొచ్చింది. డీప్టెక్స్టార్టప్లకు ఫండింగ్ నుంచి ఆ స్టార్టప్లు ఎదిగేదాకా ప్రోత్సాహాన్నిచ్చేలా ‘బ్లూ ప్రింట్’ అనే 12 నెలల ఫౌండర్ ఫెలోషిప్ప్రోగ్రామ్ను అమలు చేస్తున్నది. ఈ కార్యక్రమం తొలి విడతలో భాగంగా దేశవ్యాప్తంగా 14 స్టార్టప్లను ఎంపిక చేసింది. స్టార్టప్లను ఏర్పాటు చేసే ఫౌండర్లకు బిజినెస్ ఆపరేషన్లు, మార్కెటింగ్, లీగల్అంశాలపై పూర్తి అవగాహన కల్పించేలా ఈ బ్లూ ప్రింట్ ప్రోగ్రామ్ ద్వారా టీహబ్జనరలిస్ట్ సీఎక్స్వో పాత్రను పోషిస్తోందని చెబుతున్నారు.
ఇందులో భాగంగా ఎంపిక చేసిన ప్రతి స్టార్టప్కు12 నెలల బిజినెస్ ఆపరేటింగ్ ప్లాన్ను రూపొందిస్తారు. ఫండ్ రైజింగ్ కోసం వెంచర్ క్యాపిటల్ పిచ్ డెక్స్, ఫైనాన్షియల్ డాక్యుమెంటేషన్, లీగల్ రికార్డులను పక్కాగా సిద్ధం చేయడంలో సహాయపడతారు. మార్కెట్ విస్తరణ, అంతర్జాతీయ అవకాశాలు, ఇంటెలెక్చువల్ ప్రాపర్టీ (పేటెంట్లు), నెట్వర్కింగ్, నిధుల సమీకరణలో మెంటర్ల ద్వారా సహాయం అందించనున్నారు.
టీహబ్ ఎంపిక చేసిన ఆ 14 స్టార్టప్లు ఇవే..
క్రిష్నమ్, ఆర్టస్ఏఐ, లైట్మెడ్, జోధ్య, ఆర్కిల్ఎనర్జీ, సెన్స్హెల్త్, వాహన్, బిల్డ్రైట్, సాన్యార్క్ స్పేస్ , సెమెక్స్ ఏఐ, పావక ఎనర్జీ, వెక్రాస్, పోర్టల్, స్టోరీవోర్డ్ వంటి స్టార్టప్లను బ్లూ ప్రింట్ తొలి విడత ప్రోగ్రామ్కు టీహబ్ ఎంపిక చేసింది. కాగా, ఇలాంటి స్టార్టప్ల కోసం కేంద్ర ప్రభుత్వం రూ.లక్ష కోట్లతో రీసెర్చ్ డెవలప్మెంట్అండ్ ఇన్నొవేషన్ ఫండ్ను ఇప్పటికే ఏర్పాటు చేసింది. టెక్నాలజీ డెవలప్మెంట్బోర్డు ద్వారా వినూత్నమైన స్టార్టప్లకు ఆర్థిక సాయం అందిస్తుంది. దీనిపైనా స్టార్టప్లకు టీహబ్ ద్వారా అవగాహన కల్పించనున్నారు.
