ప్రస్తుత ఉరుకుల పరుగుల జీవనశైలిలో విసిగిపోయిన నగరవాసులు మళ్లీ ప్రకృతి ఒడిలోకి.. అంటే 'పొలం బాట' ఎందుకు పడుతున్నారు. ఉదయం లేచింది మొదలు రాత్రి పడుకునే వరకు స్క్రీన్లు, ట్రాఫిక్ జామ్ లు, నిరంతర ఒత్తిడి.. ఇది సగటు నగర ఉద్యోగి జీవితం. ఈ యాంత్రిక జీవనం ఇచ్చే విలాసాల కంటే.. స్వచ్ఛమైన గాలి, ప్రశాంతమైన వాతావరణం మిన్న అని ఇప్పుడు చాలా మంది గుర్తిస్తున్నారు. అందుకే ఐటీ, కార్పొరేట్ రంగాల్లోని ఉద్యోగులు ఇప్పుడు తమ పెట్టుబడులను, భవిష్యత్తును నగర శివార్లలోని ఫామ్ ల్యాండ్స్ వైపు మళ్లిస్తున్నారు.
నగర జీవనంలో పెరుగుతున్న హెల్త్ రిస్క్స్:
భారతీయ నగరాలు ఆర్థికంగా ఎదుగుతున్నా.. ఆరోగ్యపరంగా అనేక సవాళ్లను విసురుతున్నాయి. నిరంతరం డిజిటల్ పరికరాలతో అనుసంధానమై ఉండటం వల్ల డిజిటల్ ఫెటీగ్, మానసిక అలసట, నిద్రలేమి వంటి సమస్యలు పెరుగుతున్నాయి. దీనికి తోడు, నగరాల్లో గాలి నాణ్యత పడిపోవడంతో శ్వాసకోశ వ్యాధులు సర్వసాధారణమయ్యాయి. ఈ ఊపిరాడని పరిస్థితుల నుండి బయటపడి తమ పిల్లలకు మట్టితో అనుబంధాన్ని, స్వచ్ఛమైన ఆహారాన్ని అందించాలనే తపన ఇప్పుడు ఒక ఉద్యమంలా మారుతోంది. 2023లో గ్రామీణ ప్రాంతాల్లో రెండో ఇల్లు లేదా ఫార్మ్ హౌస్ కొనుగోలు చేసే వారి సంఖ్య 45 శాతం పెరగడం ఈ మార్పును సూచిస్తోందని లెక్కలు చెబుతున్నాయి.
వ్యవసాయ కల క్షేత్రస్థాయిలోని సవాళ్లు:
పొలం కొని వ్యవసాయం చేయాలనే కోరిక వినడానికి బాగున్నా.. ఆచరణలో ఎన్నో సవాళ్లతో కూడుకున్నది. నగరాల్లో పెరిగిన ఐటీ నిపుణులకు నేల స్వభావం, విత్తనాల ఎంపిక, సాగు నీటి యాజమాన్యం, చీడపీడల గురించి కనీస అవగాహన ఉండదు. పైగా భూమి రిజిస్ట్రేషన్లు, టైటిల్ క్లియరెన్స్, రాష్ట్రాల వారీగా ఉండే చట్టపరమైన చిక్కులు ఒక ఎత్తైతే.. పండించిన పంటను కాపాడుకోవడం మరో ఎత్తు. కేవలం అభిరుచితో మొదలుపెట్టిన ఈ ప్రయాణం సరైన నిర్వహణ లేకపోతే త్వరగానే భారంగా అనిపించే అవకాశం ఉంటుంది. అందుకే ఈ అడ్డంకులను అధిగమించడానికి ఒక కొత్త మార్గం అవసరమైంది.
మేనేజ్డ్ ఫార్మ్ల్యాండ్స్:
వ్యవసాయంపై మక్కువ ఉండి.. సమయం లేని వారి కోసం మేనేజ్డ్ ఫార్మ్ల్యాండ్స్ అనే సరికొత్త కాన్సెప్ట్ అందుబాటులోకి వచ్చింది. ఇక్కడ మీరు భూమిని కొనుగోలు చేస్తే.. దాని నిర్వహణ బాధ్యతను నిపుణులు తీసుకుంటారు. భూమిని సిద్ధం చేయడం నుండి పంట కోత వరకు అన్నీ ప్రొఫెషనల్స్ పర్యవేక్షణలో జరుగుతాయి. ఇక్కడ కేవలం వ్యవసాయమే కాకుండా ఆర్గానిక్ గార్డెన్స్, వాకింగ్ ట్రాక్స్, కమ్యూనిటీ స్పేసెస్ వంటి వసతులు ఉండటం వల్ల ఇవి కుటుంబంతో గడపడానికి బెస్ట్ వీకెంట్ స్పాట్ గా మారుతున్నాయి. ఇది నగరవాసులకు శ్రమ లేని సాగును, ఆరోగ్యకరమైన ఆహారాన్ని అందిస్తోంది.
మేనేజ్డ్ ఫార్మ్ల్యాండ్స్ కేవలం ఆరోగ్యానికే కాకుండా ఆర్థికంగా కూడా మంచి పెట్టుబడిగా మారుతున్నాయి. గత కొన్ని ఏళ్లుగా నగర శివార్లలోని భూముల విలువ ఏడాదికి సుమారు 10-15 శాతం మేర పెరుగుతోంది. అంతేకాకుండా దేశంలో వ్యవసాయం ద్వారా వచ్చే ఆదాయానికి కొన్ని రూల్స్ మేరకు పన్ను మినహాయింపు ఉండటం ఇన్వెస్టర్లకు అదనపు ఆకర్షణగా నిలుస్తోంది. ఐఓటీ ఆధారిత సాగు నీటి వ్యవస్థలు, ఆధునిక సాంకేతికతను జోడించడం ద్వారా ఈ ఫార్మ్ల్యాండ్లు భవిష్యత్తులో స్థిరమైన ఆదాయ వనరులుగా మారనున్నాయి.
భవిష్యత్తులో రిటైర్మెంట్ తర్వాత ప్రశాంతంగా సొంత పొలంలో పండించిన ఆహారాన్ని తింటూ గడపాలనేది ప్రతి ఒక్కరి కల. ఆధునిక సౌకర్యాలను వదులుకోకుండానే ప్రకృతికి దగ్గరగా ఉండవచ్చని మేనేజ్డ్ ఫార్మ్ల్యాండ్స్ నిరూపిస్తున్నాయి. పచ్చదనం అనేది కేవలం ఒక లగ్జరీ మాత్రమే కాదు, అది మానసిక ప్రశాంతతకు శారీరక ఆరోగ్యానికి ఒక కనీస అవసరం. ఈ అవగాహన పెరగడం వల్లే నేటి తరం నిపుణులు తమ సొంత ఊరి మూలాలను వెతుక్కుంటూ తిరిగి ప్రకృతి ఒడిలోకి చేరుతూ పొలం బాట పడుతున్నారు.
