హైదరాబాద్, వెలుగు: ఈ నెల10 నుంచి17 వరకు వీర తెలంగాణ సాయుధ పోరాట వారోత్సవాలు నిర్వహించాలని సీపీఎం రాష్ట్ర కమిటీ నిర్ణయించింది. గురువారం పార్టీ రాష్ట్ర కార్యదర్శి తమ్మినేని వీరభద్రం అధ్యక్షతన సెక్రటేరియేట్ మీటింగ్జరిగింది. నిజాం నవాబులు, జాగీర్ దార్లు, జమీందార్లకు, భూస్వాములకు వ్యతిరేకంగా కమ్యూనిస్టులు పోరాడారని నేతలు గుర్తుచేశారు.
అయితే, దాన్ని బీజేపీ సర్కారు వక్రీకరిస్తుందని మండిపడ్డారు. ఈ నేపథ్యంలో ఈ నెల 10 నుంచి 17 వరకు అన్ని జిల్లాలు, మండలాలు, గ్రామాల్లో వీర తెలంగాణ సాయుధ పోరాట వారోత్సవాలను నిర్వహించాలని పిలుపునిస్తున్నట్లు ప్రకటించారు. చాకలి ఐలమ్మ వర్ధంతి సందర్భంగా హైదరాబాద్లో ఆదివారం సభ నిర్వహించనున్నట్లు తెలిపారు. దీనికి సీపీఎం పొలిట్ బ్యూరో సభ్యులు బృందాకరత్, బీవీ రాఘవులుహాజరుకానున్నారని పేర్కొన్నారు.
