గుడ్ న్యూస్: 5 వేల పోలీస్ పోస్టుల భర్తీకి ఆర్థిక శాఖ గ్రీన్ సిగ్నల్... నోటిఫికేషన్ ఇవ్వనున్న రిక్రూట్మెంట్ బోర్డు..

హైదరాబాద్, వెలుగు: పోలీస్ శాఖలో ఖాళీగా ఉన్న 5 వేల పోస్టుల భర్తీకి అనుమతినిస్తూ ఆర్థిక శాఖ ఉత్తర్వులు జారీ చేసింది. హోంశాఖ పరిధిలోని డైరెక్టర్ జనరల్ ఆఫ్ పోలీస్ పరిపాలనా నియంత్రణలోని వివిధ విభాగాలలో ఉన్న ఈ 5 వేల పోస్టులను డైరెక్ట్ రిక్రూట్‌‌‌‌‌‌‌‌‌‌‌‌‌‌‌‌మెంట్‌‌‌‌‌‌‌‌‌‌‌‌‌‌‌‌ విధానంలో భర్తీ చేయనున్నట్లు ఉత్తర్వుల్లో పేర్కొన్నారు.

ఈ పోస్టుల భర్తీ ప్రక్రియ బాధ్యతలను తెలంగాణ రాష్ట్ర స్థాయి పోలీస్ నియామక బోర్డుకు అప్పగించారు. ఇందుకు సంబంధించిన రిక్రూట్‌‌‌‌‌‌‌‌‌‌‌‌‌‌‌‌మెంట్ నోటిఫికేషన్, పరీక్షల షెడ్యూల్‌‌‌‌‌‌‌‌‌‌‌‌‌‌‌‌ను వీలైనంత త్వరగా విడుదల చేయాలని బోర్డును ప్రభుత్వం ఆదేశించింది.

స్థానిక క్యాడర్ల వారీగా ఉన్న ఖాళీలు, రోస్టర్ పాయింట్లు, అవసరమైన విద్యార్హతలు వంటి పూర్తి వివరాలను సేకరించి తగిన చర్యలు తీసుకోవాలని స్పష్టం చేసింది. హోంశాఖ ప్రిన్సిపల్ సెక్రటరీ, డీజీపీ ఈ వివరాలను తక్షణమే రిక్రూట్‌‌మెంట్ బోర్డుకు అందజేయాలని ప్రభుత్వం ఆదేశించింది.

శాఖాపరమైన అవసరాలు, ఆర్థికపరమైన అంశాలను క్షుణ్ణంగా పరిశీలించిన తర్వాతే ప్రభుత్వం ఈ పోస్టుల భర్తీకి తుది అనుమతులు మంజూరు చేసింది. ఆర్థిక శాఖ పచ్చజెండా ఊపడంతో ఈ పోస్టుల భర్తీకి త్వరలోనే నోటిఫికేషన్ వెలువడనుంది.