హైదరాబాద్, వెలుగు: రాష్ట్రంలో ఇంటర్ ఫస్టియర్ అడ్మిషన్ల గడువును ఇంటర్ బోర్డు పొడిగించింది. ఈ నెల 15తో అడ్మిషన్ గడువు ముగియనుండగా దాన్ని 31 వరకూ పొడిగిస్తూ ఇంటర్ బోర్డు సెక్రటరీ అభిలాష అభినవ్ తెలిపారు. రాష్ట్రంలోని అన్ని ప్రభుత్వ, ప్రైవేట్ ఎయిడెడ్, అన్-ఎయిడెడ్, సోషల్ వెల్ఫేర్, రెసిడెన్షియల్ జూనియర్ కాలేజీలకు ఇది వర్తిస్తుందని పేర్కొన్నారు.
ఇప్పటి వరకూ ఫస్టియర్లో 3.81 లక్షల అడ్మిషన్లు జరగ్గా, వీటిలో సర్కారు కాలేజీల్లో 95 వేల మంది చేరారు. అడ్మిషన్ల ప్రక్రియలో తప్పనిసరిగా రిజర్వేషన్లు అమలు చేయాలని, అడ్మిషన్ సమయంలో విద్యార్థులు, తల్లిదండ్రుల నుంచి యాంటీ డ్రగ్ డిక్లరేషన్ తీసుకోవాలని స్పష్టం చేశారు.
