- తెలంగాణ న్యాయవాదుల సురక్ష సమితి డిమాండ్
ముషీరాబాద్, వెలుగు : తమ సమస్యలను పరిష్కరించి, ఏటా న్యాయవాదుల సంక్షేమానికి 100 కోట్లు కేటాయించాలని తెలంగాణ న్యాయవాదుల సురక్ష సమితి డిమాండ్ చేసింది. శుక్రవారం ఇందిరా పార్క్ ధర్నా చౌక్లో సమితి ఆధ్వర్యంలో న్యాయవాదులు రిలే నిరాహార దీక్ష చేపట్టారు. అడ్వకేట్ ప్రొటెక్షన్ యాక్ట్ తీసుకురావాలని నినాదాలు చేశారు. సమితి అధ్యక్షులు అశోక్ కుమార్, సత్యనారాయణ, హమాద్
రాకేశ్కులకర్ణి మాట్లాడుతూ.. న్యాయవాదులు వృత్తి రీత్యా అనేక ఇబ్బందులు ఎదుర్కొంటున్నారని ఆందోళన వ్యక్తం చేశారు. న్యాయవాదుల రక్షణకు ప్రత్యేక చట్టం తేవాలని, 41 ఏ సీఆర్పీసీని రద్దు చేయాలని డిమాండ్ చేశారు. జూనియర్ అడ్వకేట్లకు రూ.5వేల స్టైఫండ్ ఇవ్వాలని, అర్హులైన న్యాయవాదులకు ఇంటి స్థలాలు కేటాయించాలని కోరారు.
