అక్షర్ నాయుడు, అనుష్క, భవ్యశ్రీ, ఖుషీ కీలక పాత్రల్లో అక్షయ రూపొందిస్తున్న హారర్ థ్రిల్లర్ ‘2వ గది’. స్వాక్ష పిక్చర్స్ పతాకంపై స్వాతి నిర్మిస్తున్నారు. తాజాగా రిలీజ్ చేసిన ఈ మూవీ టీజర్ హారర్ ఎలిమెంట్స్‌‌తో సినిమాపై ఆసక్తిని పెంచేలా ఉంది. ఎస్ఎన్ నజీర్ అందించిన సంగీతం క్యూరియాసిటీని క్రియేట్ చేస్తోంది.
ఇక టీజర్ లాంచ్ సందర్భంగా నిర్వహించిన ఈవెంట్‌‌కు దర్శకులు రేలంగి నర్సింహారావు, వీరశంకర్, నిర్మాతలు ప్రసన్న కుమార్, రామ సత్యనారాయణ అతిథులుగా హాజరై సినిమా సక్సెస్ సాధించాలని విష్ చేశారు. అలాగే మహిళలు యాక్టింగ్లోనే కాకుండా దర్శక నిర్మాతగా కూడా రాణిస్తారని చెప్పడానికి ఈ చిత్రమే నిదర్శనమని అన్నారు. ఈ కార్యక్రమంలో ‘బలగం’ ఫేమ్ సంజయ్, డీవోపీ నవీన్, గేయ రచయితలు మాష్టార్ జీ, అంబట్ల రవి, రవివర్మ తదితరులు పాల్గొన్నారు.
