హైదరాబాద్, వెలుగు: ఈ నెల 23 నుంచి మొదలు కానున్న పదో తరగతి పరీక్షలకు సంబంధించిన హాల్టికెట్లు రెడీ అయ్యాయి. వాటిని సోమవారం నుంచి స్కూళ్లకు పంపించనున్నట్టు ప్రభుత్వ పరీక్షల విభాగం డైరెక్టర్ కృష్ణారావు తెలిపారు. వారంలోపు అన్ని స్కూళ్లకు చేరుతాయని వెల్లడించారు. నాలుగైదు రోజుల్లో ప్రభుత్వ పరీక్షల విభాగం వెబ్సైట్లోనూ పెట్టనున్నట్టు చెప్పారు. రాష్ట్రవ్యాప్తంగా 5,09,275 మంది స్టూడెంట్లు టెన్త్ పరీక్షలకు హాజరు కానున్నారు. పరీక్షలకు అన్ని ఏర్పాట్లు చేస్తున్నట్టు అధికారులు తెలిపారు. కాగా టెన్త్ హాల్టికెట్ నెంబర్తో పాలిసెట్కు అప్లై చేసుకునే అవకాశం ఉండటంతో, సోమవారం నుంచి దరఖాస్తుల ప్రక్రియ ప్రారంభమవుతోంది.
