- వాతావరణ శాఖ ఎల్లో అలర్ట్
హైదరాబాద్, వెలుగు : రాష్ట్రానికి వాతావరణ శాఖ ఎల్లో అలర్ట్ ను జారీ చేసింది. నాలుగు రోజుల పాటు ఉత్తర, దక్షిణ తెలంగాణలోని పలు జిల్లాల్లో తేలికపాటి నుంచి మోస్తరు వానలు పడుతాయని ఆదివారం విడుదల చేసిన బులెటిన్లో పేర్కొంది. హైదరాబాద్లో పొద్దంతా పాక్షికంగా మేఘావృతమై ఉంటుందని, రాత్రిపూట వర్షం పడే చాన్స్ ఉందని తెలిపింది. రాబోయే నాలుగు రోజులు టెంపరేచర్లు కాస్తంత తగ్గొచ్చని చెప్పింది.
మరోవైపు ఆదివారం రాష్ట్రంలో పలుచోట్ల టెంపరేచర్లు భారీగా నమోదయ్యాయి. ఆలంపూర్లో అత్యధికంగా 43.1 డిగ్రీల ఉష్ణోగ్రత నమోదైంది. నల్గొండ జిల్లా ఘనపూర్లో 42.1, జంబుగలో 42, బయ్యారంలో 41.9, దస్తూరాబాద్లో 41.6, ఆదిలాబాద్ అర్బన్లో 41.3, నాగారం 41.1, తెల్దేవరపల్లి, కల్వకుర్తిల్లో 40.5, పెబ్బేరులో 40.3 డిగ్రీల టెంపరేచర్లు రికార్డయ్యాయి. పాలకుర్తిలో 1.7 సెంటీమీటర్ల వర్షం కురిసింది.
