టికెట్ తీసుకోకుండానే ట్రైన్స్ లో ప్రయాణిస్తున్నారా..? ఎవరూ రారని, ఏమీ కాదని అలవాటులో పొరపాటు చేస్తున్నారా..? అయితే.. జాగ్రత్త..! ఇది హెచ్చరిక కాదు.. జస్ట్ సూచన మాత్రమే.. ఈసారైనా ట్రైన్లలో ప్రయాణించేటప్పుడు తప్పనిసరిగా టికెట్స్ తీసుకోండి. లేదంటే మీకు ఇదే పరిస్థితి ఎదురుకావొచ్చు..
అసలేం జరిగింది..?
ముంబైలో చాలామంది ప్రయాణికులు టికెట్ లేకుండానే ట్రైన్లలో ప్రయాణిస్తున్నారు. ఇలా ఒక్కరోజు కాదు.. రెండు రోజులు కాదు.. ప్రతిరోజూ చాలామంది టికెట్లు లేకుండా జర్నీ చేస్తున్నారు. దీని వల్ల రైల్వేశాఖకు పెద్ద మొత్తంలో నష్టం జరుగుతోంది.
టికెట్ లేకుండా ప్రయాణించే వారిపై తాజాగా దక్షిణ మధ్య రైల్వేశాఖ కఠిన చర్యలు తీసుకుంటోంది. టికెట్లు లేకుండా ప్రయాణించే వారిపై కొరడా ఝలిపిస్తోంది. ఈ క్రమంలోనే సోమవారం (అక్టోబర్ 16వ తేదీన) 167 మంది టీసీలు (టికెట్ తనిఖీ ఆఫీసర్లు లేదా టికెట్ కలెక్టర్ ) ఆకస్మికంగా ట్రైన్లలో తనిఖీలు చేపట్టారు.
ముంబైలోని కల్యాణ్ రైల్వేస్టేషన్ లో 167 మంది టీసీలు ఒక బృందంగా ఏర్పడి.. ప్రయాణికుల టికెట్లను చెక్ చేశారు. ఈ తనిఖీల్లో వందల మంది టికెట్ లేకుండా ప్రయాణిస్తున్న వారు పట్టుబడ్డారు.
మొత్తం 4 వేల 438 మంది నుంచి 16 లక్షల 85 వేలను జరిమానాగా విధించారు రైల్వేశాఖ అధికారులు. ఒక్కో టీసీ సగటున దాదాపు 27 మందిని చెక్ చేశారు. టికెట్ లేకుండా ప్రయాణిస్తున్న ఒక్కో వ్యక్తి వద్ద నుంచి దాదాపు 10 వేల 95 రూపాయలు వసూలు చేశారు.
తనిఖీల సమయంలో టీసీలకు రక్షణగా ఆర్పీఎఫ్ సిబ్బంది విధుల్లో ఉన్నారు. టికెట్ చెకింగులకు సంబంధించిన వీడియోలను సెంట్రల్ రైల్వేశాఖ అధికారులు ఎక్స్ (ట్విట్టర్) లో షేర్ చేశారు.
ప్రయాణికులందరూ నిబంధనలు పాటించాలని, ప్రతి ఒక్కరూ టికెట్ తీసుకుని ట్రైన్లలో ప్రయాణించాలని రైల్వేశాఖ అధికారులు కోరుతున్నారు. భవిష్యత్తులోనూ ఇలాంటి తనిఖీలు జరుగుతాయని చెప్పారు. ప్రయాణికుల సౌకర్యం, వారి భద్రత కోసమే చెకింగులు చేపడుతున్నామని స్పష్టం చేశారు.
"तुम हमसे फिर से छुप रहे हो... और हम तुम्हारा स्टेशन पे फिर से इंतजार कर रहे हैं!"
— Central Railway (@Central_Railway) October 17, 2023
कल्याण स्थानक-
16.85 lakh penalty imposed in a single day on 4438 ticketless passengers..
कल दिनांक 16/10/23 सोमवार को एक बडा तिकीट चेकिंग अभियान मुंबई विभाग के कल्याण स्थानक पर किया गया।… pic.twitter.com/MKPW1h4KOm
