హీరో నాని సమర్పణలో తన అక్క గంటా దీప్తి దర్శకురాలిగా రూపొందించిన వెబ్ సిరీస్ ‘మీట్ క్యూట్’. ఈ ఐదు కథల ఆంథాలజీలో సీనియర్ యాక్టర్స్ సత్యరాజ్, రోహిణిలతో పాటు హీరోయిన్స్ అదా శర్మ, వర్ష బొల్లమ్మ, ఆకాంక్ష సింగ్, రుహాని శర్మ, సునైనా, సంచిత పూనాచా, హీరోలు అశ్విన్ కుమార్, శివ కందుకూరి ముఖ్యపాత్రలు పోషించారు. ప్రశాంతి తిపిర్నేని నిర్మాత. ఇటీవల టీజర్తో ఇంప్రెస్ చేసిన టీమ్, నిన్న ట్రైలర్తో ఆకట్టుకుంది.
‘నీకు మీట్ క్యూట్ అంటే తెలుసా.. అనుకోకుండా ఇద్దరు పరిచయం లేని వ్యక్తులు మొదటిసారి కలిసినప్పుడు.. వాళ్ల మధ్య వచ్చే అందమైన పరిస్థితులు, మాటలు, ఆ జ్ఞాపకాలు జీవితాంతం గుర్తుండిపోతాయి’ అంటూ నాని వాయిస్ ఓవర్తో స్టార్ట్ అయిన ట్రైలర్ మనసును హత్తుకునేలా ఉంది. ‘మనం ప్రేమించే వారితో, మనం ఇష్టపడే వాటి కోసం మాత్రమే గొడవపడతాం’ అనే కాన్సెప్ట్ ట్రైలర్లో కనిపిస్తోంది. కొన్ని క్యూట్ సీన్స్, అన్ని రకాల ఎమోషన్స్తో ఫీల్గుడ్ ఎంటర్టైనింగ్గా దీన్ని కట్ చేశారు. విజయ్ బుల్గానిన్ బ్యాగ్రౌండ్ స్కోరు సినిమాపై ఇంటరెస్ట్ క్రియేట్ చేస్తోంది. సోని లివ్లో నవంబర్ 25 నుండి ఈ వెబ్ సిరీస్ స్ట్రీమింగ్ కానుంది.