కొత్త ఫీచర్ల హవా

కొత్త ఫీచర్ల హవా

గడియారంలో సెకన్లు మారుతున్నట్టే టెక్నాలజీలో ట్రెండ్స్​ మారుతున్నాయి.  నిన్నటితో పోల్చితే  ఇవ్వాళ,  ఇవ్వాల్టి కంటే రేపు.. ఇలా ఏ రోజుకారోజు టెక్​ ట్రెండ్స్​ వస్తున్నాయి. కొత్త గ్యాడ్జెట్లు, కొత్త ఫీచర్లతో టెక్​ దునియాలో కొత్త మార్పులు వస్తున్నాయి. బ్రాండెడ్​ కంపెనీలు ఇటు గ్యాడ్జెట్ల లాంచింగ్​లో, ఫీచర్ల అప్​డేట్లలో పోటీపడుతూ యూజర్లను అట్రాక్ట్​ చేస్తున్నాయి. ఇలా మైక్రోసాఫ్ట్​ నుంచి గూగుల్​ వరకూ తమ టెక్​ ఫ్యాన్స్​ను అలరిస్తున్నాయి.ఈ మధ్య వచ్చిన ఆ కొత్త అప్​డేట్స్​ మీ కోసం..

స్కూల్​ బెల్​ కొట్టగానే పిల్లలంతా దాన్ని ఫాలో అవుతారు.  ఇంటర్వెల్​, లంచ్​, చుట్టీ బెల్​ ఇలా  ​ స్కూల్​ బెల్​ను బట్టి పిల్లలు టైం ఫాలో అవుతారు. అలాంటి స్కూల్​ బెల్​ లాంటిదే ఫ్యామిలీ బెల్​. ఇది ఫ్యామిలీ మెంబర్స్​ను కలుపుతుంది. ఎక్కడెక్కడో బిజీ బిజీగా ఉన్న వాళ్లను అలర్ట్​ చేస్తుంది. బ్రేక్​ ఫాస్ట్​, లంచ్​, డిన్నర్​ లాంటి టైమింగ్స్​ను ఇందులో సేవ్​ చేసి పెట్టాలి. ఈ ఫీచర్​కు కనెక్ట్​ అయి ఉన్న ఫోన్స్​ అన్నింటికీ ఆ టైమింగ్స్​లో అలర్ట్​ నోటిఫికేషన్​ వెళ్తుంది. దీని ద్వారా వేరే ప‌‌‌‌నుల్లో ఉన్నవాళ్లంతా  ఒక్కదగ్గరికి చేరడానికి వీలుంటుంది. కేవలం హోం షెడ్యూల్​నే కాదు, అవుట్​​ డోర్​, పిక్నిక్​, హాలీడే టైమింగ్స్​ను కూడా సెట్​ చేసుకోవచ్చు. ఫ్యామిలీ గెట్​ టుగెదర్​  ఏర్పాటు చేసుకోవడానికి ఈ ఫీచర్​ చక్కగా ఉపయోగపడుతుంది. 

డిజిటల్ కీ

గూగుల్ నుంచి వస్తున్న మరో ఫీచర్​ డిజిటల్​ కారు కీ. కారు స్టార్ట్​ చేయాలన్నా, లాక్​, అన్​లాక్​ చేయాలన్నా కీ కావాలి. దానికి అదనంగా రిమోట్​ కంట్రోల్​ కూడా ఉంటుంది. అయితే ఇప్పుడు గూగుల్​ ఫీచర్​తో కారును ఫోన్​తో కూడా కంట్రోల్​ చేయొచ్చు. ఆ ఫీచరే డిజిటల్​ కీ.  ఆండ్రాయిడ్ ఫోన్​తో  కీ లేకున్నా కారును కంట్రోల్​ చేయొచ్చు. ఈ ఫీచ‌‌‌‌ర్‌‌‌‌ను ప్రస్తుతానికి కొన్ని దేశాల్లో మాత్రమే లాంచ్ చేయబోతోంది గూగుల్. అలాగే.. గూగుల్ పిక్సెల్ 6, పిక్సెల్ 6 ప్రొ, సామ్‌‌‌‌సంగ్ గెలాక్సీ ఎస్‌‌‌‌21 లాంటి ఫోన్లలో, బీఎండ‌‌‌‌బ్ల్యూ కార్ల కోసం ఈ ఫీచ‌‌‌‌ర్‌‌‌‌ను తీసుకురాబోతోంది. ఇప్పటికే ఇలాంటి ఫీచర్​ను ఐఫోన్ తెచ్చింది. అయితే అది కొన్ని లగ్జరీ కార్లకు మాత్రమే పని చేస్తుంది.  

మైక్రోసాఫ్ట్ స్వెటర్

మైక్రోసాఫ్ట్​ టెక్​ కంపెనీ ఒక ప్రొడక్ట్​ రిలీజ్​ చేసింది? అది ఏ  గాడ్జెట్టో, ల్యాప్​టాపో అని అనుకుంటున్నారా? అయితే మీరు తప్పులో కాలేసినట్టే.. ఎందుకంటే... అదొక స్వెటర్​. ఏటా క్రిస్మస్​కు మైక్రోసాఫ్ట్​ వెరైటీ స్వెటర్‌‌‌‌ను లాంచ్‌‌‌‌ చేస్తోంది. ఈ ఏడాది కూడా క్రిస్మస్‌‌‌‌కు ‘మైన్‌‌‌‌స్వీపర్‌‌‌‌ ఆగ్లీ’ అనే పేరుతో స్వెటర్‌‌‌‌ను విడుదల చేసింది. 1990 నుంచి ప్రతి ఏడాది క్రిస్మస్​ ​కు  ఈ స్వెటర్లను లాంచ్​ చేస్తోంది. వీటి సేల్స్​ ద్వారా వచ్చే డబ్బును కొన్ని సేవా సంస్థలకు అందజేస్తోంది. కిందటి ఏడాది స్వెటర్ల డబ్బులను ‘గర్ల్స్ హూ కోడ్ ఫౌండేషన్‌‌‌‌’ అనే ఫౌండేషన్​కు   ఇచ్చింది. అయితే తాజాగా రిలీజ్​ చేసిన ఈ స్వెటర్‌‌‌‌ ధర 74.99 డాలర్లు అంటే సుమారు రూ. 5,600. స్మాల్, లార్జ్​, మీడియమ్‌‌‌‌, ఎక్స్‌‌‌‌ఎల్‌‌‌‌, డబుల్‌‌‌‌ ఎక్స్‌‌‌‌ ఎల్‌‌‌‌, త్రిబుల్‌‌‌‌ ఎక్సెఎల్‌‌‌‌ సైజుల్లో లభిస్తుంది.