దొంగతనంలోనూ.. దొంగ భక్తిని చూపించాడో కేటుగాడు. గుడిలో అమ్మ ఆశీర్వాదం తీసుకొని.. అమ్మవారి హుండీకే టోపీ పెట్టాడు. ఓ వైపు దొంగతనం చేయాలని ఉన్నా.. ఏదో మూలన పాపభీతి వెంటాడిందో ఏమో.. ఆలయంలో అమ్మవారికి దండం పెట్టి ఆ తర్వాత విగ్రహం పక్కనే ఉన్న హుండీ చోరీకి పాల్పడ్డాడు. అందినకాడిక తీసి రెండు జేబుల్లో అమ్మవారి కానుకలను నింపుకున్నాడు.
ఈ దొంగతనం.. ఖమ్మం నాలుగో డివిజన్ లోని అంకమ్మ ఆలయంలో జరిగింది. ఆలయ తలుపు తాళం పగలగొట్టి.. హుండీ తాళాల వెతికి మరీ దొరకబట్టి సొమ్మును కాజేశాడు దొంగ. ఈ దొంగతనం సీన్ అంతా ప్రేమ్ టు ప్రేమ్ రికార్డు అయింది. దొంగ అమ్మవారికి దండం పెట్టి చోరీ విజువల్స్ ఇప్పుడు సోషల్ మీడియాలో వైరల్ గా మారాయి.
