వజ్రాల గని వల్ల రెండు లక్షల చెట్లకు ముప్పు

V6 Velugu Posted on Jun 11, 2021

  • గని పనులు ఆపాలంటూ సుప్రీంలో పిల్
  • ఉపాధి కోల్పోతామంటున్న గిరిజనులు
  • ప్రాజెక్టుకు వ్యతిరేకంగా క్యాంపైన్ చేస్తున్న పర్యావరణ ప్రేమికులు

మధ్యప్రదేశ్‌లోని ఛతర్‌పూర్ జిల్లాలోని బక్స్‌వాహా అడవులలో ఉన్న వజ్రాల గని పనులను ఆపాలంటూ సుప్రీంకోర్టులో పిల్ దాఖలైంది. ఈ ప్రాజెక్టును పర్యావరణవేత్తలు మరియు ప్రకృతి ప్రేమికులు తీవ్రంగా వ్యతిరేకిస్తున్నారు. దేశలోని అతిపెద్ద వజ్రాల నిల్వ బక్స్‌వాహా అడవులలో ఉందని నమ్మకం. ఈ ప్రాంతంలో 3.42 కోట్ల క్యారెట్ల వజ్రాలు ఉన్నాయని అంచనా. ఈ ప్రాజెక్ట్ బక్స్‌వాహా అడవులలో 364 హెక్టార్లలో విస్తరించి ఉంది. అ ప్రాజెక్ట్‌లో భాగంగా వజ్రాలను వెలికితీస్తే 2,15,875 చెట్లు నరికివేయబడతాయి. అందుకే ఈ ప్రాజెక్టును ఉపసంహరించుకోవాలని డిమాండ్ చేస్తూ స్థానికులు, పర్యావరణ కార్యకర్తలు ఈ ప్రాజెక్టుకు వ్యతిరేకంగా నిరసన వ్యక్తం చేస్తున్నారు.

గతంలో ఈ ప్రాజెక్టు పనులను ఒక సంస్థ ప్రారంభించినప్పుడు కూడా పెద్ద ఎత్తున నిరసనలు జరిగాయి. దాంతో వారు ప్రాజెక్ట్ పనులను పూర్తి చేయలేక తిరిగి వెళ్ళిపోయారు. తాజాగా.. ఇప్పుడు మధ్యప్రదేశ్ రాజధాని భోపాల్‌కు ఈశాన్యంగా 225 కిలోమీటర్ల దూరంలో ఉన్న బక్స్‌వాహా అడవుల్లో ఈ ప్రాజెక్టు పనులను ప్రారంభించారు. ఆ పనులను నిలిపివేయాలని కోరుతూ సుప్రీంకోర్టులో ప్రజా ప్రయోజన వ్యాజ్యం దాఖలైంది.

అడవిలో చెట్లను నరికివేయడాన్ని వ్యతిరేకిస్తున్న పర్యావరణ కార్యకర్త రణవీర్ పటేరియా మాట్లాడుతూ.. ‘చాలా గిరిజన కుటుంబాలు ఈ అడవికి దగ్గరగా నివసిస్తున్నాయి. వారందరి జీవనోపాధి ఈ అడవిపైనే ఆధారపడి ఉంటుంది. గిరిజనులు వివిధ అటవీ ఉత్పత్తులను తయారుచేసి విక్రయించి.. ఆ డబ్బుతోనే జీవిస్తారు. ఈ ప్రాజెక్ట్ వారి జీవనోపాధిని దెబ్బతీయడమే కాకుండా.. తమ జీవితాలను కూడా నాశనం చేస్తుందని వారంతా భయపడుతున్నారు’అని ఆయన అన్నారు.

మరో పర్యావరణ ఔత్సాహికుడు అమిత్ భట్నాగర్ మాట్లాడుతూ.. అడవిని నరికివేయడం వల్ల సహజ ఆక్సిజన్ తగ్గుతుంది. ఈ ప్రాజెక్టును నిర్వహిస్తున్న సంస్థ స్థానికులకు ఉపాధి కల్పిస్తామని చెబుతుంది. మనం బతకడమే కష్టమైనప్పుడు.. ఉపాధి ఎవరికి కల్పిస్తారు? చెట్లను కాపాడటానికి మేం సోషల్ మీడియాలో ప్రచారం నిర్వహిస్తున్నాం’ అని ఆయన అన్నారు.

Tagged trees, Madhya Pradesh, bhopal, Diamonds, Buxwaha Forest, Diamond Mine Project, Chhatarpur district, Environment activists

Latest Videos

Subscribe Now

More News