కరెంటు మీటర్రీడర్ల సమ్మెతో జిల్లాల్లో బిల్లులు తప్పులతడకగా వస్తున్నాయి. మాన్యువల్గా బిల్లులు కొట్టాల్సి రావడంతో సిబ్బంది ఇష్టారాజ్యంగా మారింది. చేతికొచ్చినంత కొట్టేసి ఇంటికి బిల్లులు పంపుతున్నారు. దీంతో వందల్లో వచ్చే బిల్లు కాస్తా వేలు, లక్షల్లో వస్తోందని వినియోగదారులు బెంబేలెత్తుతున్నారు. తల్లాడ ఈఆర్‌‌వో పరిధిలోని మల్లారం గ్రామంలో సర్వీస్‌ నంబరు 31210-00127 మీటరుకు గత నెల 12న రీడింగ్ 4401 ఉండగా, ఈ నెల 19న 44025 ఉన్నట్లు 37 రోజులకు మాన్యువల్ బిల్లు తీశారు. దీంతో 39,624 యూనిట్ల కరెంట్వినియోగానికి గానూ రూ.3,74,627 చెల్లించాలంటూ బిల్లు వచ్చింది. దీనికి ఈడీ చార్జీల కింద రూ.2,377 కలిపి మొత్తం కరెంటు బిల్లు రూ.3,77,222 వచ్చింది. దీంతో వినియోగదారుడు కృష్ణయ్య లబో దిబో మంటున్నారు.
అసలేం జరిగింది?
వాడుకున్న కరెంట్కేవలం ఒకటిన్నర యూనిట్లు మాత్రమే.. గత రీడింగ్4401 ఉండగా ప్రస్తుత రీడింగ్ 4402.5 యూనిట్లు చూపిస్తోంది. మాన్యువల్ గా రీడింగ్నమోదు చేసే సమయంలో పాయింట్కొట్టకపోవడంతో 44025 రీడింగ్చూపించింది. దీంతో 39,624 యూనిట్లు వాడినట్లు నమోదైంది. ఆమేరకు లక్షల్లో బిల్లు చేతికొచ్చింది. ఇకనైనా బిల్లుల్లో తప్పులు దొర్లకుండా అధికారులు తగిన జాగ్రత్తలు తీసుకోవాలని వినియోగదారులు కోరుతున్నారు. కాగా, తాము సమ్మె చేస్తే ఎలాంటి సమస్యలు ఎదురవుతాయో డిపార్ట్మెంట్ కు ఇప్పుడు తెలిసొస్తుందని మీటర్రీడర్లు చెబుతున్నారు.
