తిరుమల ఘాట్ రోడ్డులో పెను ప్రమాదం తప్పింది. అలిపిరి చెక్ పోస్ట్ సమీపంలో రోడ్డు ప్రమాదం జరిగింది. కారు అదుపుతప్పి ఘాట్ రోడ్డు రక్షణ గోడ దాటి చెట్టును ఢీకొట్టింది. ఈ సమయంలో కారులోని ఎయిర్ బ్యాగ్స్ ఓపెన్ కావడంతో నలుగురు భక్తులు ప్రాణాలతో బయటపడ్డారు. వారికి స్వల్ప గాయాలయ్యాయి. చెట్టుకు కారు బలంగా ఢీకొనడంతో దాని ముందుభాగం నుజ్జు నుజ్జయింది.
ALSO READ:బక్రీద్ 2023.. 7 రుచికరమైన మటన్ వంటకాలు..తింటే అదుర్సే
బెంగుళూరుకు చెందిన వినయ్.. కుటుంబసమేతంగా తిరుమల శ్రీవారిని దర్శించుకున్నారు. దర్శనం తర్వాత తిరుగు ప్రయాణంలో తిరుపతికి వస్తుండగా ఈ ఘటన చోటు చేసుకుంది. డ్రైవర్ నిద్ర మత్తు వల్లే ఈ ప్రమాదం జరిగినట్లు స్థానికులు తెలిపారు. ఘటనా స్థలానికి చేరుకున్న పోలీసులు గాయపడ్డ వారిని స్థానిక రుయా ఆసుపత్రికి తరలించారు.
