జుట్టు పొడవుగా , ఒత్తుగా పెరగాలంటే.. సరైన కేర్ తీసుకోవాలి. దాంతో పాటు కొన్ని పొరపాట్లకి దూరంగా ఉండాలి.
- జుట్టుకి వేడి తగిలితే..కుదుళ్లు బలహీనమవుతాయి. అందుకని బ్లో డ్రయర్లు, స్ట్రయిట్నర్స్ వాడుతుంటే కనుక టెంపరేచర్ 185 డిగ్రీలు మించకూడదు.
- మాడు మీద బాగా మసిలిన నీళ్లు పడితే నూనె గ్రంథులు దెబ్బతిని జుట్టు రఫ్గా అవుతుంది. అంతేకాదు వేడినీళ్ల వల్ల జుట్టు కూడా చిట్లిపోతుంది. అందుకని గోరువెచ్చని నీళ్లతోనే తలస్నానం చేయాలి.
- ఎప్పటికప్పుడు స్టయిలింగ్ టూల్స్ శుభ్రం చేయాలి. హెయిర్ పిన్స్, దువ్వెనల్ని వారానికోసారి షాంపూ కలిపిన వేడినీళ్లలో నానబెట్టి, కడగాలి.
- టైట్గా ఉండే హెయిర్ బ్యాండ్స్ పెట్టుకుంటే జుట్టు ఊడిపోతుంది. అందుకే ఆ అలవాటుని వెంటనే మానేయాలి.
- రాత్రి పడుకునే ముందు జుట్టుని తప్పనిసరిగా అల్లుకోవాలి.
- జుట్టు పెరుగుదల మాడు నుంచే మొదలవుతుంది. అందుకని జుట్టు, కుదుళ్లు, మాడుకి నూనె బాగా పట్టించి మసాజ్ చేయాలి.
- జుట్టు తడిగా ఉన్నప్పుడు దువ్వకూడదు. ఒక వేళ అలాగే పదేపదే తలదువ్వుతుంటే జుట్టు రాలిపోతుంది. చిట్లిపోతుంది.