పద్మారావునగర్, వెలుగు: రైలు ప్రయాణాల్లో పోగొట్టుకున్న, చోరీకి గురైన ఫోన్లను రైల్వే పోలీసులు రికవరీ చేశారు. సీఈఐఆర్ పోర్టల్ సాయంతో దేశవ్యాప్తంగా వివిధ రాష్ట్రాల నుంచి రికవరీ చేసిన సుమారు రూ. 20 లక్షల విలువైన 126 మొబైల్ ఫోన్లను మంగళవారం సికింద్రాబాద్లో బాధితులకు అందజేశారు. ఈ సందర్భంగా రైల్వే డీఎస్పీ జావేద్ మాట్లాడుతూ.. గత మూడేండ్లలో రూ. 2 కోట్ల విలువైన 1500 ఫోన్లను రికవరీ చేసి రికార్డు సృష్టించామన్నారు. కేరళ, యూపీ, మహారాష్ట్ర వంటి రాష్ట్రాల నుంచి కూడా ఫోన్లను తెప్పించి బాధితులకు అందజేశామని, ఫోన్ పోగొట్టుకున్న వారు వెంటనే ఐఎంఈఐ నంబర్తో ఫిర్యాదు చేయాలని సూచించారు.
