అమెరికా రాజకీయాల్లో ఎప్పుడూ ఏదో ఒక సంచలనం సృష్టించే డొనాల్డ్ ట్రంప్.. తాజాగా తన స్టేట్ ఆఫ్ ది యూనియన్ ప్రసంగంతో మరోసారి ప్రపంచం దృష్టిని ఆకర్షించారు. సాధారణంగా కోర్టు తీర్పులను గౌరవించడం రివాజు.. కానీ ట్రంప్ మాత్రం ఏకంగా సుప్రీంకోర్టు న్యాయమూర్తుల ముందే కూర్చుని, వారి తీర్పును దురదృష్టకరం అంటూ విమర్శించి అందరినీ ఆశ్చర్యపరిచారు. తన గ్లోబల్ టారిఫ్స్ చెల్లవంటూ సుప్రీంకోర్టు 6-3 మెజారిటీతో ఇచ్చిన తీర్పుపై తీవ్ర అసహనం వ్యక్తం చేశారు. అయితే కోర్టు అడ్డుకున్నా తన పంథా మారబోదని, ప్రత్యామ్నాయ చట్టాల ద్వారా ఈ పన్నుల విధానాన్ని కొనసాగిస్తానని కుండబద్దలు కొట్టి చెప్పారు ట్రంప్.
సుప్రీంకోర్టు తీర్పు వచ్చిన కొద్ది రోజుల్లోనే ట్రంప్ వెనక్కి తగ్గకుండా అన్ని దేశాలపై కొత్తగా 15% టారిఫ్లను విధిస్తూ నిర్ణయం తీసుకోవడం దూకుడును సూచిస్తోంది. తన ఆర్థిక వ్యూహంలో టారిఫ్లే కీలకమని ఆయన గట్టిగా నమ్ముతున్నారు. ఇతర దేశాల నుంచి వసూలు చేసే ఈ పన్నుల ద్వారా వచ్చే ఆదాయంతో అమెరికాలో ప్రస్తుతం ఉన్న ఆదాయపు పన్ను వ్యవస్థను పూర్తిగా మార్చేయవచ్చని ప్రతిపాదించారు. విదేశీయులు కట్టే ఈ పన్నుల వల్ల అమెరికా ప్రజలపై పన్ను భారం తగ్గుతుందని, భవిష్యత్తులో ఆదాయపు పన్ను స్థానంలో టారిఫ్ ఆదాయమే ప్రధాన వనరుగా మారుతుందని లెక్కలు చెప్పారు ట్రంప్.
తన ప్రసంగంలో గత అనుభవాలను గుర్తుచేస్తూ.. గతంలో తాను విధించిన టారిఫ్ల వల్ల ఇతర దేశాలతో అద్భుతమైన ఒప్పందాలు కుదుర్చుకోగలిగామని ట్రంప్ చెప్పుకొచ్చారు. అమెరికాను ఇన్నాళ్లూ వందల బిలియన్ డాలర్ల మేర కొల్లగొట్టిన దేశాలు కూడా ఈ టారిఫ్ ఒప్పందాలకు అంగీకరించాయని, సుప్రీంకోర్టు తీర్పు అడ్డంకిగా మారినా.. మెజారిటీ దేశాలు, కార్పొరేట్ సంస్థలు పాత ఒప్పందాలకే కట్టుబడి ఉండాలని కోరుకుంటున్నాయని వెల్లడించారు. అమెరికా ఆర్థిక ప్రయోజనాల కోసం ఎంతటి కఠిన నిర్ణయాలకైనా తాను సిద్ధమని ట్రంప్ తన ప్రసంగం ద్వారా స్పష్టం చేశారు.
క్యాపిటల్ హిల్లో జరిగిన ఈ సమావేశం కేవలం ఒక ప్రసంగంలా కాకుండా.. న్యాయవ్యవస్థకు, కార్యనిర్వాహక వ్యవస్థకు మధ్య జరుగుతున్న పోరాటంలా కనిపించింది. టారిఫ్లను కేవలం ఒక వాణిజ్య సాధనంగానే కాకుండా.. దేశ ఆదాయ వనరుగా మార్చాలన్న ట్రంప్ ఆలోచన అమెరికా ఆర్థిక వ్యవస్థలో ఎలాంటి మార్పులు తెస్తుందో చూడాలి. కోర్టు తీర్పును ధిక్కరిస్తూ ఆయన తీసుకున్న ఈ నిర్ణయం అటు రాజకీయ వర్గాల్లో, ఇటు ప్రపంచ దేశాల్లో పెద్ద చర్చకు దారితీసింది. ట్రంప్ మార్క్ 'టారిఫ్ పాలిటిక్స్' అమెరికా పన్నుల వ్యవస్థను ఏ మలుపు తిప్పుతుందో వేచి చూడాల్సిందే అంటున్నారు ఆర్థిక నిపుణులు.
క్యాపిటల్ హిల్లో జరిగిన ఈ సమావేశం కేవలం ఒక ప్రసంగంలా కాకుండా, న్యాయవ్యవస్థకు మరియు కార్యనిర్వాహక వ్యవస్థకు మధ్య జరుగుతున్న పోరాటంలా కనిపించింది. టారిఫ్లను కేవలం ఒక వాణిజ్య సాధనంగానే కాకుండా, దేశ ఆదాయ వనరుగా మార్చాలన్న ట్రంప్ ఆలోచన అమెరికా ఆర్థిక వ్యవస్థలో ఎలాంటి మార్పులు తెస్తుందో చూడాలి. కోర్టు తీర్పును ధిక్కరిస్తూ ఆయన తీసుకున్న ఈ నిర్ణయం అటు రాజకీయ వర్గాల్లో, ఇటు ప్రపంచ దేశాల్లో పెద్ద చర్చకు దారితీసింది. ట్రంప్ మార్క్ 'టారిఫ్ పాలిటిక్స్' అమెరికా పన్నుల వ్యవస్థను ఏ మలుపు తిప్పుతుందో వేచి చూడాలి.
