తెలంగాణ పబ్లిక్ సర్వీస్ కమిషన్ (టీఎస్పీఎస్సీ) మే నెలలో నిర్వహించాల్సిన రెండు పరీక్షలను వాయిదా వేసింది. పాలిటెక్నిక్ లెక్చరర్స్ నియామక పరీక్షల తేదీల్లో మార్పులు చేసింది.
మే 13వ తేదీన జరగాల్సిన పాలిటెక్నిక్ లెక్చరర్స్ నియామక పరీక్షలను సెప్టెంబర్ 4 నుంచి 8 వరకు రీ షెడ్యూల్ చేసినట్లు కమిషన్ పేర్కొంది.
మే 17వ తేదీన నిర్వహించాల్సిన ఇంటర్ విద్య, సాంకేతిక విద్యా శాఖల్లో ఫిజికల్ డైరెక్టర్ల నియామక పరీక్షను సెప్టెంబర్ 11వ తేదీన నిర్వహిస్తామని TSPSC ప్రకటించింది.